Politike

Meta nga Pusteci: Do bëjmë çmos të kthejmë të rinjtë e të rejat, do e mbështesim këtë komunitet këtu

Meta gjithashtu shtoi se ata do të mbështesin komunitetin në mënyrë që të ruajë traditat dhe identitetin e tij. 

29 Prill 2023, 17:01 Nga I.A
Meta nga Pusteci: Do bëjmë çmos të kthejmë të
Ilir Meta

PUSTEC- Kreu i Partisë së Lirisë Ilir Meta ka takuar banorët e Pustecit ditën e sotme bashkë me kandidatin për kryetar Pandi Janin. Meta ka deklaruar se ata do të bëjnë çmos që të kthejnë të rinjtë dhe të rejat që janë larguar nga vendi. Meta gjithashtu shtoi se ata do të mbështesin komunitetin në mënyrë që të ruajë traditat dhe identitetin e tij. 

"Kënaqësi e madhe që jam me kryebashkiakun e ardhshëm të Pustecit, Pandi Jani. Është kaq i pastër e qelibar dhe kështu do të jetë edhe në drejtim të këtij Pusteci. Ai edhe shkollën e ka mbaruar fiks për të drejtuar Bashkinë e Pustecit. Për Agroturizëm në Shkup. T’i japim mundësinë Pandit që ta shndërrojë Pustecin në qendër të agroturizmit. 14 maji është dita të ndahemi me këtë pushtet vendor monist.

Me këtë pushtet që e ka kthyer Bashkinë e Pustecit në një qendër korrupsioni dhe nepotizmi. Këta nga bashki e kanë kthyer në komunë. Në do t’i kthejmë të rinjtë e të rejat. Nëse ka një bashki që unë kam qenë më shumë ka qenë ajo e Pustecit. Do mbështesim këtë komunitet edhe për të ruajtur identitetin e tij, që nga veshjet, traditat, etj. Do t’i lutemi zotit sikur çdo gjë varet prej tij, ama do të bëjmë çdo përpjekje sikur çdo gjë varet nga ne, edhe për fitoren në 14 maj Në 14 maj të votojmë ndryshimin”, tha Meta.

ilir meta

Sondazh

Poll

MË SHUMË