Aktualitet

Atentati i dështuar ndaj Otit të Elbasanit, Gjykata vendos burg pa afat për Arsen Preçin, iu gjet gjurma tek cigarja që la në makinë

Vendimi erdhi pasi në bishtin e cigares që u gjet në makinën që ishte planifikuar të përdorej në atentat, janë gjetur gjurmë bilogjike të Preçit.

20 Prill 2023, 22:22 Nga F.M
Atentati i dështuar ndaj Otit të Elbasanit, Gjykata vendos burg pa
Arsen Preçi dhe Arben Spahiu

TIRANË- Gjykata e Elbasanit ka ndryshuar masën e sigurisë nga arrest me burg me një muaj në burg pa afat për Arsen Preçin, i cili u vu në pranga pasi kishte planifikuar të kryente një atentat ndaj Elton Kilës, të njohur si Oti i Elbasanit. Vendimi erdhi pasi në bishtin e cigares që u gjet në makinën që ishte planifikuar të përdorej në atentat, janë gjetur gjurmë bilogjike të Preçit.

Preçi u arrestua së bashku me Arben Spahiun, kunatin e Erjon Alibejt, që ndodhet pas hekurave si urdhërues i një sërë vrasjesh. Makina ‘BMW X6’ u gjet në lagjen ku banon Erion Alibej. Fillimisht u aludua se mjeti ishte lënë nga armiqtë e tij, por hetimet sollën të tjera zhvillime.

Njëri nga dy të arrestuarit, Arsen Preçi kishte hedhur në koshin e mbeturinave çantën e supit brenda të cilës janë gjetur pistoleta dhe dy mjete identifikuese që kanë çuar policinë drejt zbulimit të autorëve. Po ashtu në çantë janë gjetur edhe maska dhe doreza që do të përdoreshin prej tyre për të humbur gjurmë pas krimit.

Të dy kanë mohuar të kenë lidhje me ngjarjen. Ky është atentati i katërt që është planifikuar për eliminimin e Kilës që dështon. Shkak për eliminimin e tij mendohet të jetë një hakmarrje e lidhur me kunatin e Alibejt, Arben Spahiu. Ai është vëllai i Ardit Spahiut, i vrarë në Belgjikë dhe i Rigers Spahiut, i arrestuar në tetor të 2022 pasi u kap me një arsenal armësh.

arsen preci elton kila arben spahiu

Sondazh

Poll

MË SHUMË