Politike

Rama "qokë" Veliajt, batuta me kundërshtarin, i kthehet Belind Këlliç: Batutaxhi, të ka ikur koha!

Belind Këlliçi i ka kthyer përgjigje drejtpërdrejt kryeministrit Edi Rama, duke anashkaluar kryebashkiakun dhe kundërshtarin e tij kryesor, Erion Veliaj. 

11 Prill 2023, 20:25 Nga k.m.
Rama "qokë" Veliajt, batuta me kundërshtarin, i kthehet
Belind Këlliçi

TIRANË- Kandidati i koalicionit të opozitës "Bashkë fitojmë!" për Bashkinë e Tiranës, Belind Këlliçi u është përgjigjur sulmeve të kryeministrit Rama në aktivitetin për çeljen e fushatës. Me anë të një postimi në rrjetet e tij sociale, Belind Këlliçi i ka kthyer përgjigje drejtpërdrejt kryeministrit Edi Rama, duke anashkaluar kryebashkiakun dhe kundërshtarin e tij kryesor, Erion Veliaj. 

"Kryeministri dhe kryebashkiaku i tij, i shtuan sot Tiranës edhe më shumë fasadë, shfaqje, e propagandë. Asgjë nga këto nuk i ndihmon qytetarët, nuk hap një vend të ri pune, nuk ul koston e rënduar të jetesës. Shefi i rilindjes tregoi se ai jeton me konfliktin politik, me sulmet dhe ofendimet. Sepse shpreson, që në këtë mënyrë, njerëzit do të harrojnë bilancin katastrofik që ai ka në qeverisje, dhe të besuarit e tij nëpër bashki. Unë kam një model tjetër. Me projekte konkrete që do të sjellin zbutjen e kostos së lartë të jetesës. Ndryshe nga shëndetësia jote falas, urbanin e Tiranës, kurdo që te hypësh e kudo që te shkosh, do ta kesh falas. Këto janë zgjedhje për qytetarët, për shqetësimet dhe për jetën e tyre. Cirkut të batutaxhiut, me shokët e ngushtë në burg për korrupsion, e me kryetarët e bashkive gati për në SPAK, i ka ikur koha,"-shkruan Këlliçi.

Por çfarë tha Rama?

Në çeljen e fushatës, Rama tha se Erion Veliaj kishte fat, pasi i kishin vënë përballë një kundërshtar politik jo të denjë. 

 

zgjedhjet lokale 14 maj 2023 belind kellici edi rama

Sondazh

Poll

MË SHUMË