Bota

Bëri marrëveshje armësh me Korenë e Veriut dhe Rusinë, SHBA sanksionon sllovakun

Departamenti Amerikan i Thesarit njoftoi se do të vendoste sanksione ndaj Ashot Mkrtychev si pjesë e përpjekjes së tij për të kufizuar aftësinë e Rusisë për të zëvendësuar pajisjet ushtarake të humbura në fushën e betejës.

30 Mars 2023, 21:32 Nga a.l
Bëri marrëveshje armësh me Korenë e Veriut dhe Rusinë,
Foto ilustruese

SHBA- Shtetet e Bashkuara kanë njoftuar sanksione kundër një burri sllovak, i cili thuhet se po punonte për të rregulluar një shitje armësh midis Koresë së Veriut dhe Rusisë, pasi lufta në Ukrainë e shtrëngon aksesin e Moskës në mallra ushtarake. Mediat e huaja raportojnë se, departamenti Amerikan i Thesarit njoftoi se do të vendoste sanksione ndaj Ashot Mkrtychev si pjesë e përpjekjes së tij për të kufizuar aftësinë e Rusisë për të zëvendësuar pajisjet ushtarake të humbura në fushën e betejës.

“Rusia ka humbur mbi 9,000 pjesë të pajisjeve të rënda ushtarake që nga fillimi i luftës, dhe pjesërisht falë sanksioneve shumëpalëshe dhe kontrolleve të eksportit, Putini është bërë gjithnjë e më i dëshpëruar për t'i zëvendësuar ato. Skemat si marrëveshja e armëve e ndjekur nga ky individ tregojnë se Putini po i drejtohet furnizuesve të mundësisë së fundit si Irani dhe DPRK [Republika Popullore Demokratike e Koresë]”, tha Sekretarja e Thesarit Janet Yellen në një njoftim për shtyp .

Menjëherë pas shpalljes së sanksioneve, Shtëpia e Bardhë shprehu shqetësimin se Koreja e Veriut do të ofrojë mbështetje të mëtejshme për operacionet ushtarake të Rusisë kundër Ukrainës.

lufta ukraine-rusi ashot mkrtychev

Sondazh

Poll

MË SHUMË