Bota

'Është pjesë e pandashme e Serbisë'/ Zëdhënësja e Putin: Edhe pas marrëveshjes, statuti juridik ndërkombëtar i Kosovës nuk ndryshon

Zaharova tha për RT Balkan se edhe pas bisedimeve ndërmjet Beogradit dhe Prishtinës në Ohër, statusi juridik ndërkombëtar i Kosovës mbetet i njëjtë.

30 Mars 2023, 19:32 Nga a.l
'Është pjesë e pandashme e Serbisë'/
Maria Zakharova

SERBI- Zëdhënësja e Ministrisë së Punëve të Jashtme të Rusisë, Maria Zakharova deklaron se Rezoluta 1244 e Këshillit të Sigurimit të Kombeve të Bashkuara duhet të respektohet dhe se ajo nuk parashikon anëtarësimin e Kosovës në organizatat ndërkombëtare. Zaharova tha për RT Balkan se edhe pas bisedimeve ndërmjet Beogradit dhe Prishtinës në Ohër, statusi juridik ndërkombëtar i Kosovës mbetet i njëjtë, shkruan Kosovo-online. 

"Këshilli i Sigurimit i OKB-së është i vetmi organ i autorizuar për të shqyrtuar statusin e një krahine autonome serbe. Nuk janë marrë vendime të reja. Kosova është ende pjesë e pandashme e Serbisë. Ne bashkëpunojmë ngushtë me partnerët serbë në mbrojtjen e të drejtave dhe interesave legjitime të Serbisë. Beogradi në strukturat shumëpalëshe”, tha Zaharova, duke iu përgjigjur pyetjes se si Moska e komenton rezultatin e bisedimeve në Ohër. 

Kjo zonë, saktësoi Zaharova, mund të bashkohet vetëm me forume të ndryshme rajonale për të cilat palët kanë arritur marrëveshje dhe në bazë të rezolutës së lartpërmendur të Këshillit të Sigurimit. Kur u pyet për deklaratën e përbashkët të presidentëve rus dhe kinez, Vladimir Putin dhe Xi Jinping, ku u diskutua për një sërë rajonesh anembanë botës, dhe nëse përmendej Gadishulli Ballkanik, Zakharova tha se nuk kishte informacion kaq të detajuar, por shprehu qëndrimin parimor të Moskës që Rusia dhe Kina të bashkëpunojnë ngushtë për të gjitha çështjet aktuale të politikës së jashtme në kuadër të mekanizmit të konsultimeve të rregullta të politikës së jashtme.

maria zakharova

Sondazh

Poll

MË SHUMË