Aktualitet

Dhunë në familje, shpërndarje të lëndëve narkotike dhe akuza për mashtrim! Arrestohen 9 persona në Tiranë

Në njoftim, bëhet e ditur se është arrestuar drejtues teknik i një firme, pasi në një magazinë që po ndërtohet nga kjo firmë, gjatë montimit të mbulesës së çatisë, ka rënë nga lartësia punëtori.

23 Mars 2023, 12:47 Nga A.B
Dhunë në familje, shpërndarje të lëndëve narkotike
Policia

TIRANË- Policia ka vënë në pranga 9 persona, pasi akuzohen për vepra të ndryshme penale. Kështu, të arrestuar janë: një 25-vjeçar i cili akuzohet për shpërndarje të lëndeve narkotike, një 53-vjeçar pasi ka mashtruar qytetarët, dy persona në kryeqytet pasi kanë dhunuar partneret e tyre. 

Po ashtu, në pranga ka përfunduar edhe një 31-vjeçar në Tiranë pasi ditën e djeshme, në rrugën “Çamëria”, ka goditur për shkak të detyrës, një punonjës policie.

Në njoftim, bëhet e ditur se është arrestuar drejtues teknik i një firme, pasi në një magazinë që po ndërtohet nga kjo firmë, gjatë montimit të mbulesës së çatisë, ka rënë nga lartësia punëtori.

NJOFTIMI I POLICISË:

Vihen në pranga 9 shtetas, për vepra të ndryshme penale. Specialistët për Hetimin e Narkotikëve arrestuan shtetasit F. P., 25 vjeç dhe M. V., 44 vjeç, të dy banues në Tiranë, pasi gjatë kontrollit fizik, shërbimet e Policisë iu gjetën dhe iu sekuestruan në cilësinë e provës materiale, sasi të vogla lënde të dyshuar narkotike kokainë. Gjithashtu, specialistët për Hetimin e Narkotikëve ndaluan shtetasin I. L., 25 vjeç, banues në Tiranë, pasi Gjykata e Shkallës së Parë Tiranë i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.

Specialistët për Hetimin e Krimit Ekonomik dhe Financiar ndaluan shtetasin G. P., 53 vjeç, banues në Tiranë, pasi Gjykata e Shkallës së Parë Tiranë i ka caktuar masën e sigurisë “Arrest në burg”, për veprën penale “Mashtrimi”.

Specialistët për Hetimin e Krimeve në Komisariatin e Policisë Nr. 1 arrestuan shtetasit:

- S. M., 55 vjeç, banues në Tiranë, pasi ka ushtruar dhunë ndaj bashkëshortes së tij;

- O. M., 33 vjeç, banues në Tiranë, pasi ka ushtruar dhunë ndaj ish-bashkëjetueses së tij.

Gjithashtu, specialistët për Hetimin e Krimeve në Komisariatin e Policisë Nr. 1 ndalun shtetasin V. M., 26 vjeç, banues në Prishtinë, për veprat penale "Vjedhja”, kryer më shumë se një herë dhe “Shkatërrimi i pronës".

Specialistët për Hetimin e Krimeve në Komisariatin e Policisë Nr. 3 arrestuan shtetasin D. R., 31 vjeç, banues në Tiranë, pasi ditën e djeshme, në rrugën “Çamëria”, ka goditur për shkak të detyrës, një punonjës policie.

Specialistët për Hetimin e Krimeve të Komisariatit të Policisë Vorë arrestuan shtetasin R. J., banues në Tiranë, drejtues teknik i një firme, pasi në një magazinë që po ndërtohet nga kjo firmë, gjatë montimit të mbulesës së çatisë, ka rënë nga lartësia punëtori, shtetasi A. N., i cili ndodhet në spital, nën kujdesin e mjekëve.
---
Në Komisariatin e Policisë Nr. 5 është paraqitur dhe ka bërë kallëzim shtetasja S. T., 63 vjeçe, banuese në Kamzë, se djali i saj, shtetasi A. T., 40 vjeç, i cili dyshohet se vuan nga probleme të shëndetit mendor, është larguar nga banesa. Punohet për gjetjen e tij.

Materialet i kaluan Prokurorisë, për veprime të mëtejshme.

arrestime ne tirane tirane

Sondazh

Poll

MË SHUMË