Sport

E FUNDIT! Arrestohet futbollisti i një kombëtareje, akuzohet për dy përdhunime

Një lojtar ndërkombëtar i Premier League është arrestuar pas dy përdhunimeve të dyshuara dhe një sulmi seksual.

23 Mars 2023, 11:19 Nga DOSJA
E FUNDIT! Arrestohet futbollisti i një kombëtareje, akuzohet për

ANGLI - Ky është një rast që ka të ngjarë të bëjë shumë zhurmë. Sot në mëngjes, tabloidi anglez The Sun zbuloi se një futbollist ndërkombëtar (nacionaliteti dhe identiteti i të cilit nuk bëhet i ditur) u arrestua nga policia, pas dy përdhunimeve të dyshuara dhe një sulmi seksual. 

Faktet datojnë në prill 2021 dhe qershor 2022. Lojtari ka marrë pjesë në Kupën e Botës në Katar dimrin e kaluar. Ai tashmë është dëgjuar nga policia në korrik të 2022-shit, pa dalë në media. Ai ende nuk është pezulluar nga klubi i tij, i cili pret më shumë elementë nga hetimi. Policia foli kaq për median The Sun.

“Më 4 korrik 2022, në polici u raportua një pretendim për përdhunim të një femre rreth të njëzetave. Përdhunimi i supozuar u raportua se kishte ndodhur në qershor 2022. Më 4 korrik, një burrë u arrestua, i dyshuar për përdhunim dhe u dërgua në paraburgim.

Ndërsa ishte në paraburgim, ai u arrestua më tej me dyshimin për dy incidente të përdhunimit, që dyshohet se janë kryer në prill dhe qershor 2021 kundër një gruaje tjetër në të njëzetat. Në shkurt 2023, burri u mor në pyetje, me kusht për një shkelje seksuale që dyshohet se kishte ndodhur në Barnet në shkurt 2022.

Kjo ka të bëjë me një viktimë të tretë dhe është raportuar në polici në korrik 2022. Asnjë veprim i mëtejshëm nuk do të merret në lidhje me shkeljen e supozuar të qershorit 2021, sepse legjislacioni përkatës nuk kishte hyrë ende në fuqi në kohën kur ajo kishte ndodhur,"- thuhet në njoftimin e policies britanike.

B.T (Dosja.al)

Sondazh

Poll

MË SHUMË