Aktualitet

Komentet seksiste për vajzat e mitura, AMP: Nis hetimi disiplinor për punonjësit e policisë

Mësohet se hetimi është nisur pasi në media kanë dalë mesazhe nga grupi i punës së këtij komisariati ku punonjësit e policisë bënin komente seksiste ndaj vajzave të mitura.   

17 Mars 2023, 15:08 Nga I.A

Komentet seksiste për vajzat e mitura, AMP: Nis hetimi disiplinor për

TIRANË- Drejtoria e Mbikqyrjes Policore ka nisur hetimin për disa punonjës policie të komisariatit numër 1. Mësohet se hetimi është nisur pasi në media kanë dalë mesazhe nga grupi i punës së këtij komisariati ku punonjësit e policisë bënin komente seksiste ndaj vajzave të mitura.

Në mesazhet e publikuara dhe nga Dosja.al, shihej se si punonjësit e policisë Petrit Hala, Rutem Dervishi dhe një police e identifikuar si Ina bënin komente seksiste për një vajzë 18-vjeçare që kishte humbur. Në këto komente, punonjësit e policisë komentonin trupin e vajzës por edhe për drejtimet që ajo ka marrë në jetë.

Njoftimi i AMP: 

Drejtoria Rajonale e AMP Tiranë ka nisur menjëherë procedurat për nisjen e hetimit disiplinor ndaj punonjësve të Policisë Tiranë, pas publikimit në rrjete sociale të disa komunikimeve jo etike, në grupet e komunikimit. AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 90 90.

 

petrit hala rutem dervishi komentet e shefave te policise

Sondazh

Poll

MË SHUMË