Bota

Paralajmërimi i gjeneralit amerikan: ISIS do të godasë interesat perëndimore nga Afganistani brenda 6 muajve

Gjenerali i lartë amerikan, Michael Kurilla ka paralajmëruar se dega e Shtetit Islamik në Afganistan do të godasë interesat perëndimore në Evropë dhe Azi brenda gjashtë muajve të ardhshëm. 

17 Mars 2023, 14:48 Nga a.l
Paralajmërimi i gjeneralit amerikan: ISIS do të godasë interesat
General Michael Kurilla

SHBA- Gjenerali i lartë amerikan, Michael Kurilla ka paralajmëruar se dega e Shtetit Islamik në Afganistan do të godasë interesat perëndimore në Evropë dhe Azi brenda gjashtë muajve të ardhshëm. 

ISIS-K, i njohur zyrtarisht si Shteti Islamik-Khorasan është dega në Afganistan i grupit famëkeq terrorist dhe ka marrë përgjegjësinë për disa sulme të profilit të lartë dhe vdekjeprurës në të gjithë vendin që nga tërheqja kaotike e SHBA-së në gusht 2021 dhe kapja pasuese e pushtet nga armiku i saj, Talibanët. 

Gjenerali Michael Kurilla, komandanti i Komandës Qendrore të SHBA (CENTCOM), u tha ligjvënësve të enjten se grupet ekstremiste që veprojnë në Afganistan shohin mundësi nën kontrollin e dobët të talebanëve mbi sigurinë. Në mënyrë të veçantë, ai tha se ISIS-K është bërë më i fortë dhe më i përkushtuar në orkestrimin e sulmeve në rajon dhe më gjerë, dhe ka qëllimin përfundimtar për të goditur atdheun amerikan.

"ISIS-K do të kryejë një operacion të jashtëm kundër interesave të SHBA-së ose Perëndimit jashtë vendit në më pak se gjashtë muaj me pak ose aspak paralajmërim," tha Kurilla në dëshminë e dorëzuar në Komitetin e Senatit për Shërbimet e Armatosura, duke sqaruar më vonë se kjo nënkuptonte Evropën ose Azinë, shkruajnë mediat e huaja. 

Kur u pyet nga senatori i Arkansas Tom Cotton në lidhje me mundësitë e një sulmi terrorist kundër SHBA-së ose aleatëve të saj, Kurilla tha se ka një probabilitet më të lartë që kjo të ndodhë jashtë shtetit sesa në territorin e SHBA-së. Kurilla shtoi gjithashtu se ushtria amerikane po shton përpjekjet e saj të inteligjencës për të pasur akses në rrjete specifike dhe se ka gjithashtu nevojë për municione shtesë. Ai u tha ligjvënësve se mund të detajojë sulmet ajrore kundër objektivave të ISIS-K në një mjedis të klasifikuar. 

ISIS-K u bë i njohur për herë të parë në rajon në vitin 2015 dhe luftoi kundër talebanëve për vite me radhë – duke u përplasur gjithashtu me forcat e sigurisë amerikane, afgane dhe pakistaneze. Grupi terrorist filloi dhjetëra sulme në muajt para rënies së qeverisë afgane në gusht 2021 dhe mori përgjegjësinë për një sulm vetëvrasës shkatërrues  në aeroportin e Kabulit në ditët e fundit të tërheqjes së SHBA-së, i cili vrau të paktën 169 afganë dhe 13 trupat amerikane. 

general michael kurilla

Sondazh

Poll

MË SHUMË