Aktualitet

Shantazhoi 46-vjeçaren se do i publikonte foto dhe video personale, arrestohet i riu në Fier

Arrestimi i shtetasit B.K erdhi pas denoncimit të 46-vjeçares në policinë e Fierit.

16 Mars 2023, 12:00 Nga f.i
Shantazhoi 46-vjeçaren se do i publikonte foto dhe video personale,
Foto ilustruese

FIER- Një 36-vjeçar është vënë në pranga nga policia, pasi ka shantazhuar një 46-vjeçare kundrejt një shume parash. Dyshohet se i riu e ka kërcënuar atë me publikimin e fotove dhe video personale të 46-vjecares. Arrestimi i shtetasit B.K erdhi pas denoncimit të 46-vjecares në policinë e Fierit.

Njoftimi i policisë:
Shantazhoi një 46-vjeçare, për t’i dhënë para, që të mos i publikonte foto dhe video me përmbajtje personale, kapet dhe vihet në pranga autori i dyshuar.
Specialistët e Seksionit për Hetimin e Krimeve të Rënda dhe ato të Sektorit Operacional, të DVP Fier, si rezultat i reagimit të menjëhershëm, pas kallëzimit të marrë nga një shtetase 46 vjeçe, se një shtetas e shantazonte për t’i dhënë para, që të mos i publikonte foto dhe video me përmbajtje personale, kanë organizuar punën me qëllim verifikimin e plotë të këtij kallëzimit, si dhe vënien në pranga të autorit.
Në përfundim të veprimeve procedurale të kryera për këtë rast, u kap dhe u vu në pranga shtetasi B. K., 36 vjeç, banues në Librazhd, për veprën penale "Shtrëngimi me anë të kanosjes ose dhunës për dhënie pasurie".
Materialet procedurale i kaluan Prokurorisë, për veprime të mëtejshme.

shantazh ne fier

Sondazh

Poll

MË SHUMË