Aktualitet

Operacioni “Tendenca”! Zbardhen 6 vjedhje të kryera në Durrës, Policia arreston dy persona

Aktualisht, po vijojnë veprimet hetimore për zbardhjen dhe dokumentimin e vjedhjeve të tjera që mund të jenë kryer nga këta 2 persona.

13 Mars 2023, 14:42 Nga A.B
Operacioni “Tendenca”! Zbardhen 6 vjedhje të kryera në
Policia

DURRËS- Policia e shtetit ka vënë në pranga një 39-vjeçar dhe një person tjetër pasi dyshohet se është autor i disa vjedhjeve. Efektivët kanë zbardhur 6 raste vjedhjesh, 3 prej tyre me dhunë, të kryera në Durrës, gjatë vitit 2023, si dhe u arrestuan 2 autorët e dyshuar të tyre. Në pranga përfundoi personi me inicialet N. B., 39 vjeç, banues në Durrës, për veprën penale “Vjedhja me dhunë”. Sipas policisë, ky person, me datë 12.03.2023, ka tentuar t’i vjedhë me dhunë, celularin, një shtetasi; më datë 09.03.2023, i ka vjedhur me dhunë, varësen e floririt, një shtetasi dhe më datë 08.03.2023, ka tentuar t’i vjedhë me dhunë, celularin, një shtetasi tjetër.

Po ashtu, u vu në pranga personi me inicialet B. B., 38 vjeç, banues në Durrës, i cili do të hetohet për veprën penale "Vjedhja".

Aktualisht, po vijojnë veprimet hetimore për zbardhjen dhe dokumentimin e vjedhjeve të tjera që mund të jenë kryer nga këta 2 persona.

NJOFTIMI I POLICISË:

Finalizohet operacioni policor i koduar “Tendenca”, zbardhen 6 vjedhje të kryera në Durrës, gjatë këtij viti.Kapet në flagrancë dhe arrestohet një 39-vjeçar, autor i dyshuar i 3 vjedhjeve me dhunë. Në pranga edhe një shtetas tjetër, pasi vodhi artikuj dhe pajisje, në 2 biznese dhe në një automjet. Të dy të arrestuarit, me precedent penal të mëparshëm, po për vjedhje. Specialistët e Seksionit për Hetimin e Krimeve të Komisariatit të Policisë Durrës, si rezultat i punës së mirëfilltë hetimore dhe operacionale, të kryer menjëherë pas denoncimeve të marra nga qytetarët, për raste të ndryshme vjedhjesh, kanë organizuar dhe finalizuar operacionin policor të koduar “Tendenca”.

Në kuadër të këtij operacioni u zbardhën 6 raste vjedhjesh, 3 prej tyre me dhunë, të kryera në Durrës, gjatë vitit 2023, si dhe u arrestuan 2 autorët e dyshuar të tyre, konkretisht shtetasit:

- N. B., 39 vjeç, banues në Durrës, për veprën penale “Vjedhja me dhunë”, pasi nga veprimet procedurale të kryera, rezultoi se:

•më datë 12.03.2023, ka tentuar t’i vjedhë me dhunë, celularin, një shtetasi;
•më datë 09.03.2023, i ka vjedhur me dhunë, varësen e floririt, një shtetasi;
•më datë 08.03.2023, ka tentuar t’i vjedhë me dhunë, celularin, një shtetasi tjetër.

-B. B., 38 vjeç, banues në Durrës, për veprën penale "Vjedhja", pasi nga veprimet hetimore rezultoi se është autor i 3 vjedhjeve, konkretisht:

•më datë 05.02.2023, ka vjedhur kasetofonin e një automjeti;
•më datë 20.01.2023, ka vjedhur në një market, artikuj të ndryshëm ushqimorë;
•më datë 12.01.2023, ka vjedhur 2 pajisje (bateri) në një biznes.

Vijojnë veprimet hetimore për zbardhjen dhe dokumentimin e vjedhjeve të tjera që mund të jenë kryer nga këta 2 shtetas. Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

durres

Sondazh

Poll

MË SHUMË