Aktualitet

Në një makinë me Indrit Doklen, Fatjon Murati është pronari i lokalit ku ndodhi sulmi në Don Bosco

Sipas të dhënave të mbledhura deri më tani dyshohet se shënjestra e sulmit është Fatjon Murati por nuk përjashtohen që "hesape" të kenë edhe familjarët e tij.

12 Mars 2023, 22:06 Nga k.m.
Në një makinë me Indrit Doklen, Fatjon Murati është
Fation Murati

TIRANË- Fation Murati është pronar i lokalit në të cilin ka ndodhur sulmi me armë këtë mbrëmje ne Don Bosko, ku 5 persona kanë mbetur të plagosur nga breshëria e armëve të zjarrit, ndërsa banakierja ndërroi jetë. Sipas të dhënave të mbledhura deri më tani dyshohet se shënjestra e sulmit është Fatjon Murati por nuk përjashtohen që "hesape" të kenë edhe familjarët e tij. Megjithatë ai nuk është fare në Shqipëri, pasi duhet të ishte duke vuajtur masën e sigurisë "arrest me burg" për shkak se iu gjet një depo me armë, të cilat dyshohet se do të përdoreshin në një ngjarje kriminale. Ai u vendos në pranga dhe u vendos në burg, por më pas masa ndaj tij u zbut dhe u vendos në "arrest shtëpie". 

Fatjon Murati u arrestua më 8 tetor nga Policia e Tiranës, në momentin e arrestimit, Murati ka qenë duke lëvizur në një makinë të blinduar, me Indrit Doklen dhe kunatin e tij Gentian Ruçi. 32-vjeçari Murati ishte shpallur në kërkim nga Policia sepse efektivët kishin gjetur gjurmët e tij të gishtërinjve në kutinë e një arme nga baza e armatimeve që u gjetën të feshura në Tiranë.

Murati ka deklaruar se nuk ka lidhje me arsenalin e armëve, por sipas tij gjithçka është aksidentale pasi kohë më parë i kishte marrë mjetin Kristjan Gjinit duke justifikuar sesi mund të kishte mbetur në armë shenja e tij e gishtit. Por jo vetëm kaq. Fatjon Murati ka qenë një ndër personat që është kërkuar nga Prokuroria Kurbin për t’u marrë në pyetje lidhur me masakrën me 3 të vrarë në Fushë-Krujë, mes tyre edhe nipi i Ervis Martinajt, Brilant Martinaj. 

 

fatjon murati endrit dokle masakra e don boskos

Sondazh

Poll

MË SHUMË