Aktualitet

8 Marsi i polices: Mu mbushën sytë me lot kur lexova urimin e Çuçit

Bregu tregoi se kjo ka qenë një ditë e zakonshme pune, por panorama e njerëzve me lule nëpër duar e ka bërë 8 Marsin edhe më të veçantë.

8 Mars 2023, 21:16 Nga DOSJA
8 Marsi i polices: Mu mbushën sytë me lot kur lexova urimin e
Anxhelina Bregu,

TIRANË- Anxhelina Bregu, punonjëse e Policisë Rrugore në Tiranë tregoi për Euronews Albania se si e ka gjetur ky 8 Mars. Ajo tha se ditën e kanë nisur me urimin e drejtorit të Përgjithshëm të Policisë së Shtetit dhe ministrit Çuçi.

“Mesazhi na ka ardhur në numrin tonë të punës. Ai shkroi: Në ditën ndërkombëtare të gruas, dua të të falënderoj dhe të të shpreh respektin për punën që po bën në Policinë e Shtetit, e çmoj shumë sakrificën dhe përkushtimin e përditshëm, një kontribut i vyer për vendin dhe të ardhmen tonë. Qofsh e lumtur sot dhe shumë vite të tjera! Gëzuar 8 Marsin! Sinqerisht, Bledi Çuçi,” – lexoi efektivja, ndërsa tha se në momentin kur e kishte marrë urimin i ishin mbushur sytë me lot.

Bregu tregoi se kjo ka qenë një ditë e zakonshme pune, por panorama e njerëzve me lule nëpër duar e ka bërë 8 Marsin edhe më të veçantë.

Sipas saj në 8 vite karriere, ka pasur shumë momente të rëndësishme, por ndër ato që do të veçonte janë telefonatat nga gratë e dhunuara, ndaj të cilave sigurisht duke qenë dhe vetë grua, policja është më e ndjeshme.

Marrë nga Euronews

anxhelina bregu bledi cuci

Sondazh

Poll

MË SHUMË