Art&Argëtim

Dënimi qesharak në SHBA, reperi R. Kelly dënohet me 20 vite burg për pedofili por vetëm 1 vit do të vuaj

Gjykatësi i qarkut amerikan Harry Leinenweber e dënoi Kelly, me 20 vjet burg për joshjen e shumë vajzave të mitura për seks duke shfrytëzuar pasurinë dhe famën e tij, dhe në disa raste duke regjistruar abuzimin në video. 

23 Shkurt 2023, 19:14 Nga I.A
Dënimi qesharak në SHBA, reperi R. Kelly dënohet me 20 vite
R. Kelly

SHBA- Ish-ylli i turpëruar i R&B, R. Kelly, u dënua të enjten në Çikago me një vit më shumë burg federal, krahas 30 viteve që ai po vuan nga një dënim i mëparshëm në Nju Jork. Viti shtesë rrjedh nga një vendim i dhënë shtatorin e kaluar në një sallë gjykate federale në Illinois, në të cilin ai u shpall fajtor për abuzim seksual dhe regjistrim pornografie me tre viktima të mitura.

Avokatja kryesore mbrojtëse e Kelly-t, Jennifer Bonjean, i kishte kërkuar gjykatësit të qarkut të SHBA-së, Harry Leinenweber, një dënim 10-vjeçar për tu vuajtur njëkohësisht me dënimin në Nju Jork. 56-vjeçari Kelly aktualisht pritet të vuajë dënimin deri në fund të të 80-tave. Sipas CBS Chicago, Leinenweber e dënoi Kelly të enjten me 240 muaj gjithsej, por 228 prej këtyre muajve do të kryhen njëkohësisht me dënimin e tij federal në Nju Jork, që do të thotë se ai do të vuajë vetëm një vit më shumë për akuzat federale të Illinois.

Javën e kaluar, prokurorët kishin kërkuar që Kelly të dënohej me 25 vjet burg për dënimin federal të Illinois, që do ta vuante vetëm pas përfundimit të dënimit aktual 30-vjeçar të burgut në Nju Jork.

r. kelly

Sondazh

Poll

Art&Argëtim 22 Shkurt 2023, 17:38 k.m.

Monica Bellucci rigjen dashurinë!

Monica Belluci dhe Tim Burton PARIS- Monica Bellucci duket se ka gjetur dashurinë në fytyrën e Tim Burton. Një publikim ekskluziv i rev...

MË SHUMË