Bota

"Shtëpia e Berlusconit nuk është bombarduar kurrë"/ Zelenskyy kritikon ish-kryeministrin italian gjatë vizitës së Melonit në Ukrainë

Javën e kaluar, Berlusconi, një nga aleatët kryesorë të Melonit në parlamentin italian dhe në koalicionin qeverisës kritikoi Zelenskyy, duke e akuzuar atë si përgjegjës për luftën në Ukrainë.

21 Shkurt 2023, 22:06 Nga I.A
"Shtëpia e Berlusconit nuk është bombarduar
Giorgia Meloni dhe Volodymyr Zelenskyy

UKRAINË- Presidenti ukrainas Volodymyr Zelenskyy mirëpriti Giorgia Meloni në Kiev të martën dhe tha fjalë të forta për ish-kryeministrin italian, Silvio Berlusconi, i cili ka bërë një sërë komentesh pro-ruse.

“Shtëpia e Berlusconit nuk është bombarduar kurrë me raketa, kurrë nuk kanë ardhur tanke në oborrin e shtëpisë së tij, askush nuk ka vrarë të afërmit e tij. Asnjëherë nuk iu desh të paketonte valixhen në orën 3 të mëngjesit për të shpëtuar ose gruaja e tij duhej të kërkonte ushqim dhe gjithçka falë 'dashurisë vëllazërore' të Rusisë," tha Zelenskyy gjatë një konference të përbashkët për shtyp me Melonin.

Javën e kaluar, Berlusconi, një nga aleatët kryesorë të Melonit në parlamentin italian dhe në koalicionin qeverisës kritikoi Zelenskyy, duke e akuzuar atë si përgjegjës për luftën në Ukrainë.

“E tëra që duhej të bënte Zelenskyy ishte të ndalonte sulmin ndaj dy republikave autonome të Donbasit dhe kjo nuk do të kishte ndodhur”, tha Berlusconi, duke shtuar: “Unë e gjykoj, shumë, shumë negativisht sjelljen e këtij zotëriu”.

Meloni u përpoq të qetësonte tensionet, duke vënë në dukje se deputetët e Berlusconit gjithmonë mbështesnin masat për të mbështetur Kievin në votat parlamentare.

"Një disfatë e Ukrainës do të ishte preludi i pushtimit të mundshëm të shteteve të tjera evropiane, kjo është ajo që disa në Evropë pretendojnë se nuk e kuptojnë," tha ajo.

E pyetur për dërgimin e avionëve luftarakë për të mbështetur Ukrainën, ajo pranoi se masa nuk është në tryezë për momentin. Meloni njoftoi gjithashtu se Roma po punon për një konferencë rindërtimi në prill që do të lejojë bizneset italiane të ndihmojnë në rindërtimin e Ukrainës.

volodymyr zelenskyy giorgia meloni lufta ukraine-rusi

Sondazh

Poll

MË SHUMË