Aktualitet

Kërcënoi përmbaruesin dhe avokaten, shpallet në kërkim 17-vjeçari në Sarandë, procedohen 10 familjarë të tij

10 familjarë të 17-vjeçarit janë proceduar në gjendje të lirë për mosbindje ndaj urdhrit të punonjësve të policisë.

21 Shkurt 2023, 18:14 Nga F.M
Kërcënoi përmbaruesin dhe avokaten, shpallet në kërkim
Policia

SARANDË- Një 17-vjeçar është shpallur në kërkim pasi akuzohet se ka kanosur një përmbarues dhe një avokate. Në njoftimin e policisë bëhet me dije se 17-vjeçari ka kundërshtuar zbatimin e vendit të gjykatës për prishjen e një objekti. 10 familjarë të 17-vjeçarit janë proceduar në gjendje të lirë për mosbindje ndaj urdhrit të punonjësve të policisë.

Njoftimi i policisë:

Specialistët për Hetimin e Krimeve të Komisariatit të Policisë Sarandë referuan materialet në Prokurori dhe shpallën në kërkim një shtetas 17 vjeç, pasi ditën e djeshme, në fshatin Berdenesh, ka kanosur për shkak të detyrës, shtetasin E. M., me detyrë përmbarues dhe shtetasen E. K., avokate, të cilët kishin shkuar në këtë fshat, për të ekzekutuar vendimin e Gjykatës, për prishjen e një objekti. Në vijim të veprimeve për këtë rast, nisi procedimi në gjendje të lirë edhe për shtetasit: E. Rr., 36 vjeç, E. Q., 35 vjeç, H. Gj., 32 vjeç, Sh. P., 30 vjeç, A. D., 56 vjeç, K. L., 24 vjeç, D. M., 37 vjeç, T. Rr., 32 vjeç, L. N., 51 vjeç dhe E. Rr., 29 vjeç, banues në fshatin Berdenesh, Sarandë (familjarë të 17-vjeçarit), për veprën penale “Mosbindja ndaj urdhrit të punonjësit të policisë së rendit publik”, pasi nuk iu janë bindur urdhrave të punonjësve të Policisë që kanë qenë në mbështetje të përmbaruesit, për zbatimin e vendimit të Gjykatës.

policia e sarandes

Sondazh

Poll

MË SHUMË