Bota

Ambasadori i Ukrainës: Pas përfundimit të luftës, njohja e pavarësisë së Kosovës do të jetë hapi i dytë

 Shukrov gjithashtu foli për situatën e luftës që po zhvillohet në frontet mes Ukrainës dhe Rusisë, ku theksoi se shumica e territoreve tashmë janë çliruar nga pushtimi rus.

17 Shkurt 2023, 13:26 Nga I.A
Ambasadori i Ukrainës: Pas përfundimit të luftës, njohja e
Volodymyr Shukrov

KORÇË- Ambasadori i Ukrainës në Shqipëri, Volodymyr Shukrov ka deklaruar hapi i radhës pasi të përfundoi lufta, do të jetë njohja e pavarësisë së Kosovës. Nga Korça ai po ashtu uroi Kosovën për 15vjetorin e pavarësisë së saj. 

"Ne e dimë këtë çështje, e dimë këtë situatë, dimë gjithçka në lidhje me Kosovën, por unë dua të theksoj se Ukraina sot ndodhet në zjarrin e luftës dhe ju kërkoj të na lini të dalim nga zjarri i luftës dhe pasi të fitojmë, në fund t’i kthehemi temave të tjera. Sot për sot, gjëja më e rëndësishme për ne është të fitojmë luftën dhe të dalim nga ky tmerr i luftës që po ndodh në Ukrainë. Kosova do të jetë hapi i dytë," tha Shukrov.

Shukrov gjithashtu foli për situatën e luftës që po zhvillohet në frontet mes Ukrainës dhe Rusisë, ku theksoi se shumica e territoreve tashmë janë çliruar nga pushtimi rus.

“Zona e frontit është 1500 kilometra, një zonë tepër e gjerë ku po përplasen fuqitë ushtarake të Rusisë dhe Ukrainës," tha ambasadori Shukrov.

volodymyr shukrov

Sondazh

Poll

MË SHUMË