Bota

'Kosova i është rrëmbyer Serbisë' Unioni i Shqiptarëve në Kroaci reagon pas deklaratave të presidentit kroat: Jemi të zhgënjyer

Ata e konsiderojnë të papërshtatshme deklaratën e presidentit pasi dy vendet si Kroacia dhe Kosova kanë krijuar marrëdhënie që nga lufta në Republikën e Kroacisë, kur shqiptarët dolën vullnetarë për mbrojtjen dhe krijimin e Republikës aktuale kroate. 

30 Janar 2023, 18:38 Nga a.l
'Kosova i është rrëmbyer Serbisë' Unioni i
Zoran Milanoviç

KOSOVË- Unioni i Shqiptarëve në Kroaci ka reaguar lidhur me deklaratat e bëra më herët nga udhëheqësi kroat i cili u shpreh se Kosova është marrë nga Serbia. Ata e konsiderojnë të papërshtatshme deklaratën e presidentit pasi dy vendet si Kroacia dhe Kosova kanë krijuar marrëdhënie që nga lufta në Republikën e Kroacisë, kur shqiptarët dolën vullnetarë për mbrojtjen dhe krijimin e Republikës aktuale kroate. 

Duke ditur historinë tonë të përbashkët, të cilën e kaloi Republika e Kroacisë në fillim të viteve 90-të dhe Kosova në vitin 98/99, unë jam thellësisht i habitur dhe i zhgënjyer nga deklarata e Presidentit Millanoviç. Meqë të dy kombet tona janë lidhur që nga lufta në Republikën e Kroacisë, kur shqiptarët dolën vullnetarë për mbrojtjen dhe krijimin e Republikës së tanishme të Kroacisë, një deklaratë e tillë nuk është e përshtatshme për marrëdhëniet tona të thella e miqësore që kemi ndërtuar deri më sot. Republika e Kroacisë ishte ndër të parat që njohu pavarësinë e Republikës së Kosovës dhe vendosi marrëdhënie diplomatike dhe politike bazuar në partneritetin, bashkëpunimin dhe ushqyerjen e vlerave evropiane. Gjithashtu, Republika e Kroacisë mbështet fuqishëm përpjekjet e Republikës së Kosovës për integrimin e saj euro-atlantik dhe forcimin e pozitës së saj në Evropën Juglindore. Prandaj, si President i Unionit të Shqiptarëve në Republikën e Kroacisë, shpresoj se do të vazhdojmë të kemi Republikën e Kroacisë si një partner në udhëtimin tonë evropian dhe se miqësia jonë vetëm sa do të na forcojë dhe do të na lidhë më shumë”, thuhet në deklaratë.

Sot Presidenti i Kroacisë, Zoran Milanovic i ka befasuar të gjithë me deklaratën e tij se Kosova i është aneksuar Serbisë nga komuniteti ndërkombëtar. Ndërkohë që foli për luftën Rusi-Ukrainë, Milanoviç tha se ishte Rusia shteti që kishte bërë aneksimin dhe e krahasoi atë me rastin e Kosovës. Ai tha se Kosova i përkiste Serbisë por u aneksua nga bashkësia ndërkombëtare. Milanovic u shpreh gjithashtu kritik ndaj veprimeve të Perëndimit dhe tha se ajo që po ndodh në Ukrainë duhet të ndalohet.

zoran milanovic

Sondazh

Poll