Aktualitet

'Përmirësohet moti', 8 gomone me 300 klandesinë mbërrijnë në Britani, s'dihet nëse ka shqiptarë

Gomonia e fundit me 44 emigrantë mbërritur në brigjet angleze ishte më 2 janar pavarësisht detit të trazuar me dallgë.

22 Janar 2023, 14:14 Nga A.B

'Përmirësohet moti', 8 gomone me 300 klandesinë

BRITANI E MADHE- Paraditen e sotme, në brigjet angleze mbërritën 8 gomone me 300 emigrantë. Sipas GB News, ‘taksitë’ e La Manshit ishin nisur nga Gravelines afër Dunkirk në bregdetit francez. Ky është numri më i madh i emigrantëve, mbërritur me gomone këtë fillim viti.

‘Përmirësimi motit të shtunën i ka dhënë mundësi grupeve kriminale në Francë për të rifilluar trafikun me gomone’, thekson gazetari Mark White.

'Përmirësohet moti', 8 gomone me 300 klandesinë

Gomonia e fundit me 44 emigrantë mbërritur në brigjet angleze ishte më 2 janar pavarësisht detit të trazuar me dallgë. Mbetet e paqartë për momentin nëse tek këta 300 persona mbërritur me gomone këtë të diel ka edhe shqiptarë.

Autoritetet janë të përgatitura për mundësinë që mijëra njerëz mund të tentojnë kalimin në ditët në vijim, pasi moti më i qetë pritet të zgjasë deri të mërkurën.

Gjatë vitit të shkuar por edhe të Enjten e 19 janarit 2023, Ministria e Brendshme angleze ‘Home Office’ tha se mes 26 personave të dëbuar drejt Tiranës kishte edhe nga ata të mbërritur ilegalisht me gomone. Sipas ‘Home Office’, vitin e shkuar me gomone në Angli mbërritën 44,000 persona mes tyre rreth 13.000 shqiptarë.

Burimi: Gbnews

emigrantet ne britani

Sondazh

Poll