Aktualitet

I mituri dha alarmin, “shkrumbohet” kati i tretë i një pallati në Fushë-Krujë, 4 fëmijë shpëtohen nga asfiksia nga n

14 Shtator 2019, 07:59 Nga DOSJA

FUSHË KRUJË- Një zjarr i fuqishëm ka shkrumbuar katin e tretë të një pallati në fshatin Zallë të Fushë-Krujës.

Mësohet se zjarri ka nisur nga një shkëndijë elektrike, në një nga hyrjet e katit të tretë si pasojë e luhatjeve të tensionit.

Ai që ka vënë re zjarrin ka qënë një 15-vjeçar, ai i cili pa flakët pas frigoriferit dhe njoftoi fqinjët që të dilnin nga banesat. I mituri ndodhej i vetëm në shtëpi pasi prindërit ishin në punë.

 

Edhe pse alarmi u dha në kohë, për shkak të flakëve 4 fëmijë janë asfiksuar duke u nisur menjëherë në spital për të marrë ndihmën e parë mjekësore.  Pas ndihmës, fëmijët ndodhen jashtë rrezikut për jetën.

Ata u shpëtuan nga pronari i njërës prej shtëpive të djegura, i cili shkelmoi derën dhe nxorri jashtë fëmijët. 

Për shuarjen e zjarrit janë angazhuar zjarrfikësja e Krujës, ajo e Vorës madje dhe disa bote uji të bizneseve private. Fatmirësisht flakët nuk i kanë prekur katër bombolat e gazit, të cilat u nxorën me shpejtësi nga banesat e katit të tretë për shmangur shpërthimet.

Megjithatë edhe pse ndërhyrja është bërë në kohë, ka qënë e pamundur që të evitohej djegia e tërë katit, për shkak se zjarri favorizohej nga era dhe nga materialet drusore të pallatit.

(k.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet fushë-krujë zjarr ne zalle fushë-krujë zjarr ne zalle

Sondazh

Poll