Aktualitet

I shkaktoi shtetit 1.2 milionë euro dëm, del FOTOJA, ky është Ilir Thana

Ilir Thana akuzohet se ka përfituar kompesim për një pronë që ishte trajtuar njëherë me dëmshpërblim.

19 Janar 2023, 23:10 Nga k.m.
I shkaktoi shtetit 1.2 milionë euro dëm, del FOTOJA, ky
Ilir Thana

TIRANË- Personi që shihni në foton e mëposhtme është Ilir Thana, ai që akuzohet nga Prokuroria e Tiranës se i shkaktoi shtetit një dëm prej 1.2 milionë eurosh. Kjo është fotoja e tij e parë që është nxjerrë nga "TvKlan". Ilir Thana akuzohet se ka përfituar kompesim për një pronë që ishte trajtuar njëherë me dëmshpërblim.

I shkaktoi shtetit 1.2 milionë euro dëm, del FOTOJA, ky
Ilir Thana

Për mashtrimin, Prokuroria e Tiranës arrestoi Sekretarin e Përgjithshëm të Ministrisë së Financave, Arlind Gjokutaj, përmbaruesin Alban Ruli dhe drejtorin Juridik të institucionit, Fatmir Hoxhaj. Ata akuzohen se në bashkëpunim me njëri-tjetrin kanë firmosur shkresa për ti kaluar 1.2 milionë euro shtetasit Ilir Thana, i cili u trajtua si ish-pronar, edhe pse nuk e gëzonte titullin. Ilir Thana mori vetëm 400 mijë euro deri në momentin e arrestimit, ndërsa ryshfeti për zyrtarët ishte 82 milionë lekë.

Si funksiononte skema? Mashtrimi lidhej me një kontratë të firmosur nga Ilir Thana për të blerë një objekt në pronësi të shtetit. Bëhet fjalë për një magazinë nr.2, në vitin 1992 në pronësi të Drejtorisë së Shërbimit qeveritar. Por me një vendim të gjykatës së Apelit, nuk u lejua privatizimi dhe Thanës iu kthyen lekët që kishte blerë objektin, ndërsa godina i ngeli shtetit. Pas disa tentativash, Thana iu drejtua përmbarimit që i dha statusin e pronarit në mënyrë të kundraligjshme, dhe kjo procedurë u kalua nga Ministria e Financave, që miratoi 1.2 milionë euro kompesim për Thanën. Paratë kaluan në llogarinë e motres së Thanës, ndërsa prokuroria ka mundur të sekuestrojë 220 milionë lekë./Dosja.al

ilir thana mashtrimi ne ministrine e financave

Sondazh

Poll

MË SHUMË