Bota

Trazirat në Brazil/ Lula shkarkoi 40 ushtarë që ruanin rezidencën presidenciale

Presidenti i ri i vendit i akuzoi ata për "bashkëfajësi" në trazirat e 8 janarit.

17 Janar 2023, 22:44 Nga k.m.
Trazirat në Brazil/ Lula shkarkoi 40 ushtarë që ruanin
Luiz Inacio Lula da Silva

BRAZIL- Presidenti brazilian Luiz Inacio Lula da Silva ka pushuar nga puna 40 ushtarë që ruanin rezidencën presidenciale, e cila u grabit nga mbështetësit e paraardhësit të tij, Jair Bolsonaro, në trazirat e 8 janarit në kryeqytetin e Brasilias. Të enjten e kaluar, Lula kishte njoftuar një hetim të plotë ndaj anëtarëve të gardës, duke nënvizuar se ishte i bindur se ata jo vetëm nuk parandaluan, por ndihmuan Bolsonaron të pushtonin pallatin Alvorada.

“Jam i bindur se u hap porta për të hyrë, sepse asnjë derë nuk u gjet e thyer. Kjo do të thotë se disa persona ua lehtësuan hyrjen,"- tha Lula.

Deri më tani nuk është sqaruar se kush do të marrë përsipër ruajtjen e rezidencës presidenciale. Autoritetet braziliane të hënën rritën sigurinë rreth ndërtesave qeveritare në kryeqytet, duke dyfishuar numrin e ushtarëve të vendosur pranë pallatit presidencial, Kongresit dhe Gjykatës së Lartë.

Më shumë se 2,000 njerëz u arrestuan pas tentativës së kryengritjes, të cilën qeveria e përshkroi si një "akt terrorist". Pothuajse 1200 prej tyre u burgosën dhe 39 po ndiqen penalisht për pjesëmarrje në një organizatë kriminale, dëmtim të pronës publike dhe nxitje të grushtit të shtetit.

luiz inacio lula da silva

Sondazh

Poll

MË SHUMË