Aktualitet

Ikja e shqiptarëve me gomone/ Ambasada britanike: Trafikantët mund të vënë në shënjestër familjen tënde!

Në postim shkruhet se trafikantët mund të vënë në rrezik jetën e çdo emigranti apo të familjarëve të tyre.

11 Janar 2023, 21:05 Nga F.M
Ikja e shqiptarëve me gomone/ Ambasada britanike: Trafikantët mund
Postimi i ambasadës britanike

TIRANË- Ambasada e Britanisë së Madhe ka dalë me një mesazh për shqiptarët, të cilëve u kërkon që të mos emigrojnë në mënyrë ilegale. Me anë të një postimi në Facebook, ambasada u kujton shqiptarëve bandave kriminale. Në postim shkruhet se trafikantët mund të vënë në rrezik jetën e çdo emigranti apo të familjarëve të tyre.

“Trafikantët mund të vënë në shënjestër familjen tënde nëse nuk marrin paratë që u detyrohesh. Mos rreziko. Duke punuar për mandate kriminale po vë në rrezik edhe familjen tendë,”- shkruan ambasada britanike në Shqipëri.

Emigrantët shqiptarë kanë qenë kryefjala e mediave britanike muajt e fundit dhe sekretarja e Brendshme Suella Braverman është treguar mjaft e ashpër me ta. Referuar numrit të burrave shqiptarë që kanë ‘zbarkuar’ në brigjet britanike, rreth 10 mijë, Sekretarja e Brendshme britanike është shprehur se vendi po pushtohet prej tyre. Këto fjalë nxitën një retorike të ashpër dhe përgjigjia e kryeministrit Edi Rama nuk mungoi. Kreu i qeverisë i konsideroi deklaratat e Braverman si ‘britmë çmendine’ dhe ‘retorikë kriminale’.

Së fundmi është nënshkruar edhe një marrëveshje mes Britanisë së Madhe dhe Francës që ka për qëllim të rrisë vigjilencën dhe të ndalojë prurjet e emigrantëve që kalojnë përmes kanalit të La Manshit për në Britaninë e Madhe. Marrëveshja parashikon një pagesë vjetore të Mbretërisë së Bashkuar për Francën për të ndihmuar policinë e kufirit në 72 milionë euro.

ambasada britanike shqiptaret ne britani

Sondazh

Poll