Aktualitet

VIDEO- U kapën në flagrancë me 83 doza kanabisi, vihen në pranga 2 persona në Elbasan

Hoxhallari dhe Paja kanë shpërndarë lëndë narkotike në zona të ndryshme të qytetit të Elbasanit.

10 Janar 2023, 09:53 Nga A.B
VIDEO- U kapën në flagrancë me 83 doza kanabisi, vihen në
Arrestimi

ELBASAN- Sixhei Hoxhallari dhe Gerti Paja janë dy të rinjtë e arrestuar nga Policia pasi janë kapur në flagrancë me sasi doze kanabisi. Këta persona, u kapën në lagjen “5 Maji”, me 83 doza me lëndë të dyshuar narkotike kanabis, të paketuara me qese farmaceutike, të cilat u sekuestruan në cilësinë e provës materiale, së bashku me 3 aparate celulare. Nga veprimet hetimore dyshohet se Hoxhallari dhe Paja kanë shpërndarë lëndë narkotike në zona të ndryshme të qytetit të Elbasanit.

NJOFTIMI I POLICISË

Finalizohet operacioni policor i koduar "Rrugica", për goditjen e aktivitetit kriminal të shpërndarjes së lëndëve narkotike. U kapën në flagrancë me 83 doza kanabisi, gati për shitje, vihen në pranga 2 shtetas. Specialistët e Sektorit për Hetimin e Narkotikëve dhe Trafiqeve të Paligjshme, në bashkëpunim me shërbimet e Forcës Operacionale, të DVP Elbasan, bazuar dhe në informacionet e siguruara nga inteligjenca informative, për një rast të shpërndarjes së lëndëve narkotike, kanë organizuar dhe finalizuar operacionin policor të koduar "Rrugica".

Si rezultat i këtij operacioni u arrestuan në flagrancë shtetasit:

S. H., 22 vjeç dhe G. P., 23 vjeç, banues në Elbasan.

Shërbimet e Policisë i kanë kapur në flagrancë këta shtetas, në lagjen “5 Maji”, me 83 doza me lëndë të dyshuar narkotike kanabis, të paketuara me qese farmaceutike, të cilat u sekuestruan në cilësinë e provës materiale, së bashku me 3 aparate celulare. Nga veprimet hetimore dyshohet se këta shtetas kanë shpërndarë lëndë narkotike në zona të ndryshme të qytetit të Elbasanit. Materiale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

gerti paja sixhei hoxhallari elbasan

Sondazh

Poll

MË SHUMË