Bota

'Problemi është në Beograd'/ Kurti thirrje ndërkombëtarëve: Ushtroni presion ndaj Serbisë, duhet të finalizohet njohja reciproke

Në një konferencë për media bashkë me ministrin e Bujqësisë, Faton Peci, kryeministri tha se beson në fuqinë e Bashkimit Evropian dhe Shteteve të Bashkuara të Amerikës për ta shtuar presionin mbi Beogradin.

6 Janar 2023, 16:24 Nga a.l
'Problemi është në Beograd'/ Kurti thirrje
Albin Kurti

KOSOVË- Kryeministri i Kosovës, Albin Kurti u ka bërë thirrje aleatëve ndërkombëtarë që të ushtrojnë presion ndaj Beogradit në mënyrë që dialogu të përfundojë me njohje reciproke dhe marrëdhëniet mes dy vendeve të normalizohen sa më parë. Në një konferencë për media bashkë me ministrin e Bujqësisë, Faton Peci, kryeministri tha se beson në fuqinë e Bashkimit Evropian dhe Shteteve të Bashkuara të Amerikës për ta shtuar presionin mbi Beogradin.

“Presidenti amerikan, Joe Biden, e ka thënë shumë qartë se Kosova dhe Serbia kanë nevojë për një marrëveshje finale, e cila bën normalizimin e plotë të marrëdhënieve me njohje reciproke në qendër. Ne pajtohemi plotësisht me këtë. Kosova është shtet normal që ka shënuar hapa të mëdhenj në dy vitet e fundit. Kemi stabilitet institucional. Fakti që jemi shtet normal nuk do të thotë që kemi marrëdhënie normale me fqinjin tonë verior. Ato marrëdhënie duhet të normalizohen e normalizimi i marrëdhënieve ka nevojë për presion shtesë të partnerëve ndërkombëtarë mbi Beogradin. Besoj në fuqinë e BE-së dhe të SHBA-së që të bëjnë presion shtesë mbi Serbinë. Ka nevojë për trysni shtesë mbi Beogradin. Problemi është në Beograd megjithatë besoj se partnerët tanë kanë mjaftueshëm fuqi që të bëjnë trysni në Beograd në mënyrë që të kemi marrëdhënie normale dhe marrëveshje të tillë që sjell njohjen reciproke”, tha Albin Kurti. 

Deri më tani Serbia pretendon se njohjen e Kosovës e kanë tërhequr 15 shtete: Suriname, Burundi, Papua Neë Guainea, Lesotho, Comoros, Dominica, Grenada, Ishujt Solomon, Madagascar, Palau, Togo, Central African Republic, Ghana, Nauru dhe Sierra Leone.

albin kurti

Sondazh

Poll

MË SHUMË