Art&Argëtim

Rolling Stone “hoqi” Celine Dion nga lista për 200 këngëtarët më të mirë të të gjitha kohërave

Fansat e këngëtares nuk mund ta kuptojnë se asaj nuk iu dha vend në mesin e 200 artistëve, pasi ajo i plotëson të gjitha kriteret.

2 Janar 2023, 22:15 Nga k.m.
Rolling Stone “hoqi” Celine Dion nga lista për 200
Celine Dion

Është publikuar lista vjetore e Rolling Stone me 100 këngëtarët më të mëdhenj të vitit dhe 200 këngëtarët më të mëdhenj të të gjitha kohërave, por në të mungonte Celine Dion. Revista publikoi listën e saj të përditësuar, duke përfshirë shumë këngëtarë, si Ozzy Osbourne, Adele, Mariah Carey dhe të tjerë. Mirëpo, emri i Celine Dion mungonte në të, gjë që shkaktoi përshtypjet e të gjithëve.

Edhe pse kishte emra të tjerë që nuk hynë në listën e Rolling Stone, fansat e këngëtares nuk mund të mos e kuptojnë se asaj nuk iu dha një vend, pasi aftësitë e saj vokale janë mbresëlënëse.

Duke fituar vlerësime të panumërta, duke përfshirë 5 çmime Grammy, 6 AMA, 7 Billboard Awards, 20 Çmime JUNO dhe më shumë, dikush do të priste që ajo të ishte në krye të listës. Përveç kësaj, 7 nga albumet e saj kanë shitur të paktën 10 milionë kopje në mbarë botën, që është një arritje për të, pasi vetëm disa këngëtare femra e kanë arritur këtë. Disa nga disqet që ajo ka publikuar janë bërë të arta ose platin, dhe hitet e saj zakonisht janë në krye të top-listave.

Edhe kriteret, me të cilat Rolling Stone zgjodhi artistët, përputhen në mënyrë të përkryer me atë që këngëtarja ka arritur. Më konkretisht, revista thekson se për të hyrë në listën e 200 këngëtarëve më të mëdhenj të të gjitha kohërave, merret parasysh e gjithë diapazoni, aftësitë  dhe vlerësimet që ka marrë. Ndërkohë që fansat e saj nuk e “tretin” dot faktin që këngëtarja e tyre e preferuar nuk konsiderohet si ndër “më të mirat e të gjitha kohërave”, ajo vetë duket se nuk i intereson titujt, pasi nuk ka bërë as komentin më të vogël. Në fund të fundit, gjatë kësaj kohe, ajo ka çështje më të rëndësishme për t'u marrë, pasi së fundmi u diagnostikua me çrregullimin e rrallë neurologjik, Sindroma e Personit të ngurtë (SPS) .

Është një çrregullim i rrallë neurologjik me tipare të një sëmundjeje autoimune. SPS karakterizohet nga ngurtësi e luhatshme e muskujve në trung dhe gjymtyrë dhe rritje e ndjeshmërisë ndaj stimujve të tillë si zhurma, prekja dhe shqetësimi emocional, të cilat mund të shkaktojnë spazma muskulore. Qëndrimet e kërrusura dhe të ngurta janë karakteristikë e çrregullimit.

 

celine dion

Sondazh

Poll

MË SHUMË