Art&Argëtim

Hulumtimi: Gazrat e makinave me djegie të brendshme janë përgjegjës për demencën!

Ka edhe aktivitete të tjera si djegia e drurit, zjarret në pyje, pirja e duhanit dhe madje edhe gatimi i ushqimit që rrisin këto grimca në ajër. 

2 Janar 2023, 21:07 Nga k.m.
Hulumtimi: Gazrat e makinave me djegie të brendshme janë
Foto ilustruese

SHBA- Motorët me djegie të brendshme dhe lëndët djegëse fosile duket se janë kryesisht përgjegjës për fillimin e sëmundjes së Alzheimerit dhe demencës. Një studim i ri tregon se gazrat e shkarkimit nga makinat konvencionale dhe motorët me djegie të brendshme janë përgjegjëse për disa sëmundje shumë të rëndësishme.

Ky hulumtim është kryer nga universitetet kryesore amerikane dhe evropiane (Universiteti Emory Atlanta, Shkolla e Shëndetit Publik të Harvardit në Boston, Universiteti i Kopenhagës, Shkolla e Mjekësisë e Universitetit Johns Hopkins në Baltimore dhe të tjerë) zbulon grimcat e lëshuara ishin shumë të lehta për t'u arritur në mushkëritë e njerëzve falë madhësisë së tyre.

Burimi kryesor i këtyre grimcave PM 2.5 janë makinat që lëvizin nëpër qytete. Ka edhe aktivitete të tjera si djegia e drurit, zjarret në pyje, pirja e duhanit dhe madje edhe gatimi i ushqimit që rrisin këto grimca në ajër. Pas një studimi të bërë midis viteve 2000 dhe 2017, studiuesit arritën në përfundimin se ata që jetojnë në një mjedis me një përqindje të shtuar të grimcës "PM 2.5" në ajrin që thithin kanë një shans 9% më të lartë të sëmundjes së Alzheimerit dhe deri në 7% të demencës.

Studimi pretendon se ekziston një lidhje e drejtpërdrejtë midis emetimeve të makinave me motorë me djegie të brendshme dhe shfaqjes së këtyre dy dëmtimeve të rënda në trurin e njeriut. Për të dyja sëmundjet aktualisht nuk ka asnjë kurë, pavarësisht kërkimeve të mëdha që po bëhen në të gjithë botën.

Është e mundur që në afat të gjatë makinat elektrike të ndihmojnë në reduktimin e fenomenit.

Sondazh

Poll

MË SHUMË