Aktualitet

48 të dënuar mbi kapacitetin në burgun e Drenovës! avokati: Nuk po zbatohen masat e sigurisë nga gjykatat

Sipas avokatit Nevzat Tarelli kjo vjen për shkak të keqzbatimit të masave të sigurisë nga gjykatat

15 Dhjetor 2022, 22:01 Nga I.A
48 të dënuar mbi kapacitetin në burgun e Drenovës! avokati:
Burgu i Drenoves

KORÇË- Burgu i Drenovës në Korçë përballet prej disa muajsh me mbipopullim të burgosurve edhe pse është një burg i sigurisë së lartë. Të dhënat bëhen të ditura nga Drejtoria e Burgjeve, e cila në përgjigje për Report TV bëri të ditur se aktualisht janë 48 persona mbi kapacitet. Në burgun e Drenovës mbahen 430 të dënuar nga 382 që është kapaciteti. Sipas avokatit Nevzat Tarelli kjo vjen për shkak të keqzbatimit të masave të sigurisë nga gjykatat.

“Para tre-katër muajsh ka qënë një situatë më e mbingarkuar, për shkak të keqzbatimit të masave të sigurimit personal nga ana e Gjykatës, ku dhe për gjëra të parëndësishme është dhënë arrest me burg. IEVP Drenovë ka një personel bazë, i cili nuk është rritur në krahasim me kapacitetin e shtuar. Kjo padyshim do të ul mundësitë për ofrimin e shërbimeve psikologjike dhe sociale. Duke shtuar minimalisht nga një person në një dhomë mbi kapacitetin, atëhërë është prishur balanca për akomodimin dhe vazhdimësisë së jetës normale. Padiskutim që kjo situatë do të sillte stres, do të rriste mundësitë e konfliktit, do prodhonte më shumë debate, por do të ulte dhe cilësinë e shërbimeve bazë që ofrohen në atë IEVP",tha Tarelli.

nevzat tarelli burgu i drenoves

Sondazh

Poll

MË SHUMË