Bota

Pëson aksident me makinë gjatë xhirimit të emisionit të BBC-së, prezantuesi i 'Top Gear' dërgohet me helikopter në spital

Flintoff ishte duke xhiruar një episod për serialin në Aerodromin Dunsfold Park në Surrey.

14 Dhjetor 2022, 07:13 Nga A.B
Pëson aksident me makinë gjatë xhirimit të emisionit të
Andrew Flintoff

BRITANI E MADHE- Andrew Flintoff është dërguar në spital pas një aksidenti gjatë xhirimeve të një episodi të Top Gear. Ish lojtari i kriketit anglez. I njohur si Freddie, u plagos gjatë incidentit në pistën e testimit të Top Gear të martën në mëngjes, raporton DailyMail.

“Ai është dërguar në spital për trajtim të mëtejshëm dhe ne do të konfirmojmë më shumë detaje në kohën e duhur”, tha zëdhënësi.

Sipas The Sun, Flintoff ishte duke xhiruar një episod për serialin në Aerodromin Dunsfold Park në Surrey. 45-vjeçari ishte në timon në atë moment dhe mjekët nxituan për të ndihmuar duke e transportuar më pas me helikopter në spital.

Flintoff "po ngiste në pistë si normalisht" dhe nuk po ecte me shpejtësi të lartë. Lëndimet që ka marrë nuk i rrezikojnë jetën.

Flintoff debutoi si prezantues i Top Gear në vitin 2019, së bashku me Chris Harris. Ai tha në atë kohë: "Nuk është shpesh rasti që ju të bëni të dyja punët e ëndrrave tuaja, por tani kam fatin të them se do t'i bëj. Gjithmonë kam qenë i apasionuar pas makinave dhe jam shumë i emocionuar që t'i bashkohesh ekipit të Top Gear."

Harris, i cili prezanton shfaqjen së bashku me Flintoff dhe Paddy McGuinness, ishte gjithashtu në pistën e testimit të Top Gear në kohën e incidentit. Nuk është hera e parë që Flintoff është përfshirë në një aksident që nga fillimi i punës.

Në shkurt të 2019-ës, ai u përfshi në një incident të vogël kur u përplas me një tezgë tregu në Mansfield, Nottinghamshire. Më pas, disa muaj më vonë, në shtator, ai u përplas përsëri teksa ngiste një automjet me tre rrota me një shpejtësi të raportuar prej 124 mph gjatë xhirimeve për shfaqjen në Elvington Airfield në Yorkshire. 

 andrew flintoff

Sondazh

Poll

MË SHUMË