Bota

Çështja 'Eva Kaili'/ Deklarata e saj e parë përmes avokatit, çfarë thotë për shumat e parave dhe Katarin

Eva Kaili, pasuritë e së cilës janë ngrirë në Greqi, u la në paraburgim nga gjyqtari i ngarkuar me hetimin e çështjes dhe do të dalë të mërkurën në një seancë dëgjimore

13 Dhjetor 2022, 08:47 Nga A.B
Çështja 'Eva Kaili'/ Deklarata e saj e parë
Eva Kaili 

GREQI-Zhvillimet në çështjen e skandalit të Katar Gate në Parlamentin Europian po marrin formën e një orteku, për të cilin janë arrestuar katër persona, mes tyre nënkryetarja greke e Parlamentit Europian Eva Kaili dhe partneri i saj Francesco Giorgi.

Eva Kaili, pasuritë e së cilës janë ngrirë në Greqi, u la në paraburgim nga gjyqtari i ngarkuar me hetimin e çështjes dhe do të dalë të mërkurën në një seancë dëgjimore para një gjyqtari në Bruksel. Vetë ajo përmes burgjeve ku ndodhet ka dhënë për herë të parë qëndrimin, nëpërmjet avokatit, në lidhje me akuzat e ngritura ndaj saj nga autoritetet belge.

Ajo deklaron se nuk është fajtore

Avokati Michalis Dimitrakopoulos, i cili përfaqëson eurodeputeten në Greqi, theksoi se Eva Kaili deklaron se është e pafajshme dhe argumenton se nuk ka lidhje me akuzat.

“Pozicioni i saj është se është e pafajshme. Nuk ka lidhje me financimin nga Katari”, tha avokati i cili vijon: Nuk e konfirmoj dhe as nuk e mohoj, se ka fshehtësi. Gjithçka që mund t'ju them, sepse kam folur me motrën e saj, është se nuk ka krevat fëmijësh për fëmijën e vogël , ku janë gjetur paratë e fshehura. Ju mohoj në mënyrë eksplicite sepse ma ka thënë edhe motra e saj, zonja Magdalena Kaili”.

Lidhur me babain e Eva Kailit, Aleksandros Kaili, ai sqaroi se nuk iu vendosën kushte kufizuese nga autoritetet belge dhe se “është i lirë nëse dëshiron të vijë në Greqi”.

Pasditen e së hënës Grupi i Socialistëve dhe Demokratëve në Parlamentin Europian vendosi pezullimin e Eva Kailit. Vendimi hyri në fuqi menjëherë dhe vjen pas pezullimit të anëtarësimit të vendosur të premten e kaluar.

S&D bëri të ditur se ka kërkuar shkarkimin e Eva Kailit nga posti i nënkryetares së Parlamentit Europian, në një mbledhje plenare të kësaj jave, bazuar në nenin 21 të rregullores së brendshme.

“Jemi të shokuar nga akuzat për korrupsion në Parlamentin Evropian. S&D Group ka zero tolerancë ndaj korrupsionit. Ne mbështesim një hetim të plotë dhe zbulim të plotë. Ne do të bashkëpunojmë plotësisht me të gjitha autoritetet hetimore”, tha S&D.

eva kaili 

Sondazh

Poll

Bota 13 Dhjetor 2022, 08:07 A.B

G-7 zotohet të rindërtojë Ukrainën

Udhëheqësit e vendeve të Grupit të Shtatëshes rikonfirmuan mbështetjen e tyre të palëkundur dhe solidaritetin me Ukrai...

MË SHUMË