Politike

'Ku ta gjejmë të fusim në sherr Britaninë me BE/ Rama: Mund të brexitojmë një pjesë të Portit, siç është në Dubai

Rama mori një shembull gjatë prezantimit të Portit të Durrësit. Ai tha se edhe nëse bie ndesh me BE, Shqipëria mund të marrë në konsideratë atë që ofron Britania e Madhe.

12 Dhjetor 2022, 11:57 Nga A.B
'Ku ta gjejmë të fusim në sherr Britaninë me BE/ Rama:
Edi Rama

TIRANË- Kryeministri Edi Rama deklaroi ditën e sotme se nëse Britania e Madhe do ketë një propozim që do t'i interesojë Shqipërisë, do ta marrë parasysh. Kjo sipas Ramës, do të realizohet edhe nëse bie ndesh me BE-në, duke shtuar se nëse është e nevojshme do të brexitojë një zonë të Porto Romanos duke vendosur flamurin anglez. 

'Eshtë projekti më i rëndësishëm i Europës, projekti ka interesin e vet, të vendosjes së investimeve. Nëse Mbretëria e Bashkuar na bën një propozim, që nuk i pëlqen BE po që është e rëndësishme për të dyja palët ne mund ta brexitojmë një zonë të Porto Romanos, vendosim flamurin anglez, vendos gjykata angleze për konfliktet, siç është bërë në Dubai.

Jemi të hapur për të gjitha, madje ku ta gjejmë ti fusim në sherr Anglinë me BE, që ta kuptojnë anglezët se shqiptarët janë gjëja më e mirë që mund t'i ndodhë. Janë disa që e duan kaq shumë Anglinë saqë shkojnë me varka.'- tha Rama. 

edi rama projekti i portit te durresit

Sondazh

Poll

MË SHUMË