Bota

Takimi Kurti-Lajçak, zbardhen bisedimet: U diskutuan elementet e kornizës themelore të marrëveshjes Kosovë-Serbi

Pas takimit, Qeveria e Kosovës njoftoi se tema kryesore ishin mbarëvajtja dhe dinamizimi i procesit të dialogut me Serbinë, elementet e kornizës themelore të marrëveshjes, zhvillimet e fundit në Kosovë e çështje tjera aktuale.

6 Dhjetor 2022, 13:45 Nga a.l
Takimi Kurti-Lajçak, zbardhen bisedimet: U diskutuan elementet e
Albin Kurti dhe Miroslav Lajçak

KOSOVË- Kryeministri i Republikës së Kosovës, Albin Kurti, priti këtë të martë në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajçak. Pas takimit, Qeveria e Kosovës njoftoi se tema kryesore ishin mbarëvajtja dhe dinamizimi i procesit të dialogut me Serbinë, elementet e kornizës themelore të marrëveshjes, zhvillimet e fundit në Kosovë e çështje tjera aktuale.

“Kryeministri Kurti e falënderoi z. Lajçak për angazhimin e tij në dialog, ndërsa ritheksoi elementet e kornizës së marrëveshjes për normalizimin e plotë të raporteve me njohjen reciproke në qendër”, thuhet në komunikatën për media.

Në vijimësi të bisedimeve, bëhet me dije se kryeministri Kurti njoftoi emisarin Lajçak që Qeveria është në përfundim të përgatitjeve për aplikimin e Republikës së Kosovës për anëtarësim në Bashkimin Evropian.

“Kryeministri Kurti ritheksoi se Qeveria është e vendosur për sundimin e ligjit dhe e përkushtuar në ruajtjen e paqes dhe sigurisë në Republikën e Kosovës”, thuhet gjithashtu në njoftim.

Emisari i Bashkimit Europian për bisedimet Kosovë -Serbi Miroslav Lajçak dje ka qëndruar në Beograd ku ka takuar Presidentin e Serbisë Aleksandar Vuçiç. Pas takimeve me të ka konfirmuar se kthimi i serbëve në institucione ka qenë temë e diskutimit.

dialogu kosove-serbi

Sondazh

Poll

MË SHUMË