Bota

Burgu i Koridhalos me sigurinë më të lartë në Greqi, së shpejti do të zhvendoset në ish-bazën e NATO-s

5 Shtator 2019, 13:05 Nga DOSJA

ATHINË-  Burgu i famshëm i Koridhalos në Greqi, i cili deri më tani ka qenë në Athinë, do të ketë një zhvendosje të sugjeruar nga grupi i ekspertëve me porosi nga Ministria e Mbrojtjes.

Kjo e lëvizje e një prej burgjeve me sigurinë më të lartë në shtetin grek, do të zhvendoset në bazën e vjetër të NATO-s në Aspropyrgos, Atikën perëndimore.

Deri më tani sipas mediave greke është mësuar se ndërtesa e re e burgut do të ketë standartet e burgjeve Norvegjeze , sisteme unike të sigurisë dhe ndryshime në kushtet e jetesës së të burgosurve.

Vendimi për zhvendosjen e burgut të Koridhalos, është marrë që javën e kaluar dhe raporti i është dorëzuar Ministrit të Mbrojtjes në Greqi, Michalis Chrysochoid.

Bazuar në raportin për zhvendosjn e burgut, është sugjeruar një zonë prej 9 hektarë tokë. Një hapësirë mëse e mjaftueshme për ndërtimin e plotë të burgut më të rëndësishëm të vendit, pasi siguria duhet të jetë maksimale, madje edhe më e përforcuar sesa është tani në burgun aktual.

Në raport është theksuar edhe planimetria për ndërtimin e burgut, ku parashikohet të jenë dy godina kryesore të ndara, pasi mendohet të rritet akoma më shumë siguria dhe po bëhet e tillë për të strehuar nga 600 deri në 700 njerëz, në të njëjtin nivel me atë të burgut aktual.

Në raport thuhet se burgu i ri do të ketë sistem të lartë të sigurisë, me kamera automatike me definicion të lartë, si dhe do të ketë psikologë dhe ekspertë.  Në lidhje me financimin e këtij projekti, është mësuar se do të kushtojë me miliona euro, ku kontributet janë siguruar nga partneriteti publik-privat, dhe fonde evropiane.

Pra kompania që do të marrë përsipër këtë projekt është, “American Convenience Stadium”, e cila ëshë verifikuar se plotëson kushtet e përcaktuara nga qeveria greke. Më e rëndësishmja është fakti që burgu i ri do ndërtohet në një vend afër Athinës, gjykatave, dhe kryesorja  më afër autostradës që lehtëson transferimin e të burgosurve, si dhe udhëtimin e zyrtarëve apo familjarëve.

Kërkesa për ndryshimin e vendodhjes së bugut me sigurinë më të lartë në vend, është bërë kohë më parë, kryesisht nga banorët e zonës e më pas kjo kërkesë e qytetarëve grekë është mbështetur me premtimin e Kyriakos Mitsotakis, kryeministrit grek.

Nuk ka marrë fund vendimi  për burgun e ri pasi do të duhet të rishqyrtohet edhe njëherë nga udhëheqja e ministrisë e më pas do të hidhet në zbatim.

Pra deri më tani është planifikuar se do të duhet një partneritet publik-privat pasi nevojiten miliona euro, por fondi përfundimtar nuk është llogaritur akoma.

I gjithë ndërtimi i burgut të ri do të marrë 3 vjet kohë.

Burimi : Parapolitiki.gr

A.C/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

rajoni rajoni bazën e vjetër të nato-s burgu i koridhalos greqi shvendosja bazën e vjetër të nato-s burgu i koridhalos greqi shvendosja

Sondazh

Poll

Bota 5 Shtator 2019, 06:47

Me bagazh të rëndë: kancelarja Merkel në Kinë

GJERMANI- Ka pasur kohë, kur marrëveshjet ekonomike me vlerë 150 miliardë euro konsideroheshin më tepër si suvenire të vogla, të një vizite qeveritare në Pekin....

MË SHUMË