Bota

Lufta në Ukrainë, këshilltari i Zelenskyy-t konfirmon: Kanë vdekur 13,000 persona

Është e rrallë që Ukraina të japë shifra për viktimat dhe komentet e Podolyak nuk janë konfirmuar nga ushtria e vendit.

2 Dhjetor 2022, 08:06 Nga A.B
Lufta në Ukrainë, këshilltari i Zelenskyy-t konfirmon: Kanë
Ushtare

UKRAINË- 13,000 ushtarë ukrainas janë vrarë që nga fillimi i pushtimit rus, tha zyrtari i lartë, Mykhailo Podolyak. Është e rrallë që Ukraina të japë shifra për viktimat dhe komentet e Podolyak nuk janë konfirmuar nga ushtria e vendit. Në qershor ai tha se midis 100 dhe 200 ushtarë ukrainas po vdisnin çdo ditë.

Muajin e kaluar, gjenerali më i lartë amerikan, Mark Milley, tha se rreth 100,000 ushtarë rusë dhe 100,000 ukrainas ishin vrarë ose plagosur që nga fillimi i luftës. Në një fjalim video, kryetarja e Komisionit të BE-së Ursula Von der Leyen tha se 100,000 trupa ukrainase ishin vrarë. Megjithatë, një zëdhënës i Komisionit të BE-së më vonë sqaroi se ky ishte një gabim, dhe shifra i referohej të vrarëve dhe të plagosurve.

Duke folur për kanalin televiziv ukrainas Channel 24, Podolyak tha se Kievi "po fliste hapur për numrin e të vrarëve".

"Ne kemi vlerësime zyrtare nga Shtabi i Përgjithshëm, vlerësime zyrtare nga komandanti i përgjithshëm [Z. Zelensky] dhe ato variojnë nga 10,000 deri në 12,500-13,000 të vrarë," tha ai.

Podolyak gjithashtu sugjeroi se deri në 100,000 ushtarë rusë ishin vrarë që nga fillimi i pushtimit më 24 shkurt, dhe se 100,000 deri në 150,000 të tjerë ishin plagosur.

Burimi: BBC

lufta ukraine-rusi

Sondazh

Poll

MË SHUMË