Bota

Kriza energjetike e rriti borxhin publik të Britanisë në pothuajse 100 për qind të PBB-së

Vendi filloi të marrë shumë hua për shkak të rritjes së çmimeve të energjisë dhe rritjes së inflacionit, huamarrje neto prej 13.5 miliardë £ në tetor, krahasuar me 9.2 miliardë £ në të njëjtin muaj të vitit të kaluar.

27 Nëntor 2022, 11:24 Nga d.a.
Kriza energjetike e rriti borxhin publik të Britanisë në
Londer

BRITANI- Borxhi publik i Britanisë së Madhe u rrit në pothuajse 2.46 miliardë euro muajin e kaluar, pra në 97.5 për qind të prodhimit të brendshëm bruto (PBB), për shkak të huamarrjes.

Vendi filloi të marrë shumë hua për shkak të rritjes së çmimeve të energjisë dhe rritjes së inflacionit, huamarrje neto prej 13.5 miliardë £ në tetor, krahasuar me 9.2 miliardë £ në të njëjtin muaj të vitit të kaluar.

Analistët vlerësojnë se huamarrja e lartë në tetor është rezultat i masës së qeverisë për të mbrojtur familjet nga çmimet e larta të energjisë.

Në vjeshtë, autoritetet vendosën një kufi dyvjeçar për çmimet e energjisë elektrike dhe gazit për familjet dhe më pas një kufi gjashtë mujor për kompanitë, institucionet publike dhe organizatat joqeveritare. Ata vendosën të ndërmarrin këtë hap për shkak të inflacionit të shfrenuar, veçanërisht kostove të larta të energjisë. “Është e drejtë që vendi ka rritur huamarrjen për të mbështetur miliona biznese dhe familje”, komentoi shifrat, kancelari i ri britanik i Thesarit, Jeremy Hunt.

Ai tha se për t'iu përgjigjur sfidës së inflacionit të nxitur nga rritja e faturave të energjisë, është thelbësore që financat publike të vendosen në një rrugë më të qëndrueshme. Javën e kaluar, Hunt zbuloi një plan buxhetor që synon të rregullojë numrat dhe të zbusë inflacionin në rritje. Plani përfshin 55 miliardë paund rritje taksash dhe shkurtime shpenzimesh, duke përfshirë një ngrirje të kredive tatimore për qytetarët dhe një rritje të taksave mbi fitimet e papritura nga industria e energjisë.

Më pas ai shpjegoi se Britania e Madhe është në recesion. Ekonomia britanike do të tkurret me 1.4 për qind vitin e ardhshëm dhe papunësia do të rritet nga 3.6 për qind aktuale në 4.9 për qind deri në vitin 2024.

borxhi publik i britanise rritja e cmimeve ne britani

Sondazh

Poll

MË SHUMË