Bota

“Nëse keni probleme hidhini në det”/ Shkatërrohet grupi i trafikantëve në Itali, arrestohen 18 persona

ilfattonisseno shkruan se këto janë përfundimet pas operacionit “Deti i Hapur” i cili shkatërroi bandën kriminale dhe arrestoi 18 persona (11 tunizianë dhe 7 italianë).

17 Nëntor 2022, 20:54 Nga I.A
“Nëse keni probleme hidhini në det”/ Shkatërrohet
Foto Ilustruese

ITALI- Varkat e kontrabandistëve që trafikonin njerëz midis Siçilisë dhe Tunizisë, niseshin nga porti i Gelës ose nga brigjet e Agrigentos për të mbërritur në Afrikë dhe më pas ktheheshin  me “ngarkesën” e njerëzve. ilfattonisseno shkruan se këto janë përfundimet pas operacionit “Deti i Hapur” i cili shkatërroi bandën kriminale dhe arrestoi 18 persona (11 tunizianë dhe 7 italianë).

Ata akuzohen për grup të strukturuar kriminale me qëllim trafikimin e paligjshëm të njerëzve dhe nga përgjimet është zbuluar se “kapoja” i bandës urdhëronte personat e tjerë që nëse do të kishin probleme ata mund t'i hidhnin emigrantët në det të hapur. Gjyqtari ka urdhëruar dënim me burg për 12 kontrabandistë dhe arrest shtëpie për gjashtë të tjerët.  Hetimet e kryera nga hetuesit bënë të mundur konstatimin se skafi ishte vjedhur në Katania pak ditë më parë dhe se kishin zbritur dhjetëra persona me origjinë afrikane. Më vonë, hetuesit gjetën një çift me origjinë tuniziane që favorizonin hyrjen e parregullt në territorin italian, kryesisht të qytetarëve afrikano-veriorë.

Çmimi për person, i paguar në Tunizi para nisjes, do të ishte midis 3,000 dhe 5,000 euro dhe fitimi i supozuar i organizatës kriminale, sipas vlerësimeve hetimore, do të ishte midis 30,000 dhe 70,000 euro për çdo udhëtim. Më 26 korrik 2020, për një nga udhëtimet e planifikuara nga të dyshuarit, një varkë do të nisej nga porti i Licata në drejtim të bregdetit tunizian për të marrë njerëzit që do të çoheshin në Itali. Vetëm dështimi i të dy motorëve e pengoi udhëtimin të përfundonte dhe anija mbeti në rrugë. Organizata e supozuar kriminale do të ishte promovuar nga një burrë dhe një grua tuniziane, të dy tashmë në arrest shtëpiak.

deti i hapur

Sondazh

Poll

MË SHUMË