Bota

Stuhia krijon përmbytje në Spanjë, aeroporti dhe hekurudhat mbyllen në Valencia

Destinacioni popullor i pushimeve u përball me ndërprerje të udhëtimit, ku aeroporti duhej të mbyllej përkohësisht dhe trenat u ndaluan.

13 Nëntor 2022, 12:03 Nga I.A

Stuhia krijon përmbytje në Spanjë, aeroporti dhe hekurudhat

Zjarrfikesit

SPANJË- Zjarrfikësve iu desh të shpëtonin njerëzit që kishin mbetur të bllokuar në makina dhe shtëpi pasi shiu i madh shkaktoi përmbytje në Valencia, Spanjë.

Destinacioni popullor i pushimeve u përball me ndërprerje të udhëtimit, ku aeroporti duhej të mbyllej përkohësisht dhe trenat u ndaluan. Aeroporti i Valencias në Spanjën Lindore u mbyll të shtunën pasi rrufeja dhe përmbytjet e mëdha goditën pistën pas orëve të shiut të rrëmbyeshëm. Stuhia thuhet se ka nisur vonë të premten duke shkatërruar rajonin bregdetar lindor me erëra të forta dhe shi të dendur.

“Pista e aeroportit të Valencias nuk është më funksionale pasi u godit nga rrufeja. Puna e riparimit do të fillojë sa më shpejt të jetë e mundur," tha operatori i aeroportit të Spanjës AENA.

Autoriteti i kontrollit të trafikut ajror të Spanjës Enaire pezulloi të gjitha fluturimet brenda dhe jashtë aeroportit për shkak të stuhisë

“Stuhitë e forta mbi aeroportin e Valencias kanë detyruar pezullimin e të gjitha ngritjeve dhe uljeve”, shkruhej në Twitter.

Sipas informacionit të postuar nga aeroporti i Valencias, të paktën nëntë fluturime hyrëse u devijuan në aeroporte alternative në Alicante, Barcelona, Ibiza dhe Madrid. Fluturimet fillimisht u ndaluan pasi pista ishte e mbushur me ujë, shkruajtën shërbimet rajonale të urgjencës në Twitter, duke cituar zyrtarët e aeroportit.

permbytje ne spanje