Bota

Rrjedhje gazi në fabrikën në Itali, 23 persona asfiksohen, 3 shtrohen në spital

Shkaqet e aksidentit ende nuk janë sqaruar saktësisht. Në vendngjarje kanë ndërhyrë karabinierët, policia, zjarrfikësit dhe personeli i Spresal.

11 Nëntor 2022, 19:00 Nga A.B
Rrjedhje gazi në fabrikën në Itali, 23 persona asfiksohen, 3
Fabrika

ITALI- Rrjedhje kimike në fabrikën Galvanoplast në zonën Gravellona Toce (Verbano-Cusio-Ossola), në Itali. Tre persona janë shtruar në spitalin e Verbanisë, ndërsa 20 të tjerë do t'i nënshtrohen kontrollit shëndetësor. Njerëzit e asfiksuar janë të gjithë punëtorë të fabrikës pasi mbetën të mbyllur brenda. Shkaqet e aksidentit ende nuk janë sqaruar saktësisht. Në vendngjarje kanë ndërhyrë karabinierët, policia, zjarrfikësit dhe personeli i Spresal.

Nga rindërtimi i parë i skenës, gazi i dëmshëm mund të jetë lëshuar për shkak të një reagimi që ndodhi gabimisht, ndoshta gjatë përzierjes së bisulfitit të natriumit dhe një acidi tjetër.

Gjendja e tre personave në spital është më pak e rëndë nga sa dukej fillimisht.Galvanoplast është e specializuar në kromimin e materialeve plastike. Fabrika e Gravellona Toce është 7000 metra katrorë dhe aty punojnë 36 punonjës./Burimi: Tgcom24

rrjedhje gazi ne itali itali

Sondazh

Poll

MË SHUMË