Bota

A u anulua vizita e ministres në SHBA? Ambasadori Hovenier: Jemi në krizë. Albulena Haxhiu: Vizita do të realizohet, për datën do flasim

Ka pasur raportime se Ministres Albulena Haxhiu dhe Ministrit Xhelal Sveçla u janë refuzuar vizat nga Ambasada e Shteteve të Bashkuara të Amerikës. Pas këtyre raportimeve ka reaguar Shefi i Kabinetit të Haxhiut, Genc Nimoni, i cili e ka mohuar një lajm të tillë.

9 Nëntor 2022, 19:32 Nga d.a.
A u anulua vizita e ministres në SHBA? Ambasadori Hovenier: Jemi në
Haxhiu dhe Hovenier

KOSOVË- Ministrja e Drejtësisë së Kosovës, Albulena Haxhiu kishte njoftuar se në muajin dhjetor do të udhëtojë drejt SHBA për një vizitë zyrtare, mirëpo ditën e sotme disa media kanë thënë se asaj i është refuzuar viza.

Sipas reporteri,net, ka pasur raportime se Ministres Albulena Haxhiu dhe Ministrit Xhelal Sveçla u janë refuzuar vizat nga Ambasada e Shteteve të Bashkuara të Amerikës. Pas këtyre raportimeve ka reaguar Shefi i Kabinetit të Haxhiut, Genc Nimoni, i cili e ka mohuar një lajm të tillë.

"REAGIM. Disa media, kanë drejtuar pyetje dhe po raportojnë se Ambasada e Shteteve të Bashkuara të Amerikës, ka refuzuar vizën për Ministren e Drejtësisë, znj. Albulena Haxhiu dhe është anuluar vizita në ShBA. Një lajm i tillë përveç se është i pavërtetë dhe shpifës, është tendencioz dhe ka për qëllim shpërndarjen e informatave të pavërteta për zyrtaret e lartë të Qeverisë së Republikës së Kosovës. Me ftesë të autoriteteve Amerikane, në muajin dhjetor të këtij viti, Ministrja Haxhiu planifikon një vizitë zyrtare në Shtetet e Bashkuara të Amerikës, gjatë së cilës vizitë do të ketë takime zyrtare me përfaqësues të Departamentit të Shtetit Amerikan, Departamentit për Drejtësi dhe institucione të tjera. Në këtë vizitë, Ministrja Haxhiu do të jetë edhe pjesë e konferencës globale anti-korrupsion në Washington DC."-ka shkruar Nimoni.

Në një takim me gazetarët, ambasadori amerikan Heff Hovenier ka thënë se ministrat nuk është mirë të udhëtojnë jashtë vendit në kohë krize dhe se ato duhet të angazhohen brenda vendit.

Hovenier, duke u përgjigjur në pyetjen lidhur me vizën për ministren Haxhiu, ka thënë se nuk e sheh të vështirë që një ministër të marr vizë amerikane, por tani për tani, për shkak të krizës pas ngjarjeve në veri, nuk është koha më e duhur që ministrat të udhëtojnë për në SHBA për takime zyrtare.

“Ne aktualisht jemi në një krizë, dhe është pikëpamja jonë që, ne jemi tejet të përqendruar në këtë krizë, besojmë që edhe kjo qeveri është e përqendruar në këtë krizë, dhe mendojmë se nuk është koha mbase domosdoshmërisht më e duhura që ministrat të jenë duke udhëtuar për në ShBA për takime zyrtare duke e pasur parasysh krizën të cilën duhet trajtuar këtu. Dhe këtë po ua komunikojmë zyrtarëve të ndryshëm në qeveri”, ka thënë Hovenier.

genc nimoni albulena haxhiu jeffrey hovenier tensione në veri të kosovës

Sondazh

Poll

MË SHUMË