Aktualitet

Trauma në kokë dhe brinjë të thyera, del FOTOJA e Joy-t nga reaminacioni, as flet dhe as lëviz dot

E gjithë, ajo që dihet është se pas qëndrimit dy muaj në intubim, ajo tashmë arrin të marrë frymë pa ndihmën e aparateve, por i nevojitet terapi intensive pasi nuk mund të lëvizë dhe as të flasë.

7 Nëntor 2022, 23:30 Nga k.m.
Trauma në kokë dhe brinjë të thyera, del FOTOJA e Joy-t nga
Joy

TIRANË- Publikohet një foto që tregon qartë gjendjen e 22-vjeçares nga Kenia, e cila njihet me emrin Joy. Fotoja është shkrepur nga dhoma e reaminacionit, e më pas është publikuar nga "VoxNews", por ende nuk ka asnjë lajm për shëndetin e saj, megjithatë duket se është sërish në gjendje të rëndë. E gjithë, ajo që dihet është se pas qëndrimit dy muaj në intubim, ajo tashmë arrin të marrë frymë pa ndihmën e aparateve, por i nevojitet terapi intensive pasi nuk mund të lëvizë dhe as të flasë.

Por çfarë i ka ndodhur Joy-t?

Hashtag dhe Exit.al shkruajnë se vajza e re ishte rekrutuar për të punuar në kazinonë pranë stadiumit ‘Air Albania’, e cila operohet nga një kompani austriake që përfaqësohet ne Tiranë nga shtetasi Bledar Sinanaj, i njohur si Dari.

Joy u zhduk më 13 gusht 2022 nga ora 03:25 e mëngjesit deri rreth orës 07:00 të mëngjesit. Ajo u gjet në gjendje të rëndë poshtë pallatit ku banonte në kat të dytë, por ngjarja është e mbuluar me mister. A ra aksidentalisht Joy apo ka ndodhur diçka tjetër? Ruth, nëna e Joyt thotë se nuk ka marrë asnjë të dhënë nga policia për ngjarjen. Ky lajm nuk është bërë publik në media deri më sot, kur të gjithë në rrjetet sociale po njihet me ‘go fund me’ të hapur nga mikja e 22-vjeçares, Stephanie. Pse heshti policia?

joy

Sondazh

Poll

MË SHUMË