Bota

KFOR-i thirrje Kosovës e Serbisë për kompromis: Dallimet të diskutohen në dialog

Përmes një reagimi publik, KFOR-i i ka bërë thirrje Kosovës e Serbisë për kompromis, ndërsa ka kërkuar që të dyja palët mendimet t’i shprehin në mënyrë paqësore.

5 Nëntor 2022, 22:06 Nga I.A

KFOR

KOSOVË- KFOR-i në Kosovë ka reaguar pas zhvillimeve të fundit në veri të vendit, duke thënë se janë në monitorim të situatës dhe në bashkëpunim të ngushtë me liderët në Kosovë e Serbi, por edhe me ata ndërkombëtarë. Përmes një reagimi publik, KFOR-i i ka bërë thirrje Kosovës e Serbisë për kompromis, ndërsa ka kërkuar që të dyja palët mendimet t’i shprehin në mënyrë paqësore.

“Jemi duke monitoruar situatën dhe duke bashkëpunuar ngushtë me liderët në Beograd e Prishtinë si dhe me partnerët tanë ndërkombëtarë, për të ruajtur një mjedis të sigurt për të gjithë njerëzit në Kosovë”, thuhet në deklaratën e tyre.

Misioni paqeruajtës ka bërë thirrje që liderët të shprehin diferencimet përmes dialogut konstruktiv.

“I bëjmë thirrje të gjithëve që të adresojnë dhe diskutojnë dallimet përmes dialogut konstruktiv. Sillni përparim në shoqëri”, thuhet tutje në reagim.

#KFOR #Kosovo #NATO pic.twitter.com/2IHSYKcjWz

— @NATO – KFOR (@NATO_KFOR) November 5, 2022

Kreu i Listës Serbe Goran Rakiç ka vendour që të dalë nga institucinet e Republikës së Kosovës. Ky vendim ka ardhur pas takimit që kanë mbajtur me të gjithë ata që punojnë në institucionet e Republikës së Kosovës. Serbët këtë vendim e kanë marrë si shenj revolte ndaj vendimit të kryeministrit Kurti për targat dhe për vendimin për suspendimin e drejtorit rajonal të Policisë në veri, Nenad Gjuriç.

dorehiqet lista serbe kfor