Bota

12 orë punë, s'ka pushime vjetore, Policia rrit gatishmërinë pas tërheqjes se serbëve nga institucionet

Gazeta Express shkruan se pas kësaj situate, Policia ka ndryshuar orarin për pjesëtarët e saj dhe ka ndaluar pushimet vjetore

5 Nëntor 2022, 17:18 Nga I.A
12 orë punë, s'ka pushime vjetore, Policia rrit
Policia

KOSOVË- Policia e Kosovës ka rritur gatishmërinë pasi Lista Serbe ka vendosur të shtunën që pjesëtarët e saj të largohen nga institucionet e Kosovës. Pas vendimit, edhe zyrtarët serbë që punojnë në Policinë e Kosovës kanë zhveshur uniformat. Gazeta Express shkruan se pas kësaj situate, Policia ka ndryshuar orarin për pjesëtarët e saj dhe ka ndaluar pushimet vjetore.

Në një e-mail që u është dërguar sot pjesëtarëve të Policisë, policët janë njoftuar se tash do të kalojnë në orar 12 orësh dhe se s’do të aprovohen më pushimet vjetore. Ndryshe, Policia e Kosovës e ka mohuar se Njësia Speciale është nisur në Veri, pas largimit të serbëve nga institucionet e Kosovës.

Përmes një komunikate drejtuar mediave, Policia ka thënë se njësitet policore të rendit publik dhe ato kufitare sipas detyrës zyrtare janë duke qarkulluar/lëvizur varësisht nga angazhimet dhe detyrat policore, por se s’ka ndonjë përfshirje apo dërgim të njësiteve speciale në veri të Mitrovicë.

“Njësitet policore të rendit publik dhe ato kufitare sipas detyrës zyrtare janë duke qarkulluar/lëvizur varësisht nga angazhimet dhe detyrat policore, mirëpo nuk ka ndonjë përfshirje apo dërgim të njësiteve speciale në veri të Mitrovicës, ashtu siç është publikuar në media”, thuhet në komunikatë.

dorehiqet lista serbe tensione në veri të kosovës

Sondazh

Poll

MË SHUMË