Sport

FIFA letër finalistëve të Kupës së Botës, për të respektuar diversitetin me apelin: “Futbolli le të jetë në qendër të skenës”...

“Ju lutemi, mos lejoni që futbolli të tërhiqet në të gjitha betejat ideologjike apo politike që ekzistojnë”,- thuhet në një letër të nënshkruar nga presidenti i FIFA-s, Gianni Infantino, drejtuar skuadrave kualifikuese për Kupën e Botës.

4 Nëntor 2022, 10:46 Nga DOSJA

FIFA letër finalistëve të Kupës së Botës, për

ZVICER - Dy javë para fillimit të Kupës së Botës në Katar (20 nëntor - 18 dhjetor), presidenti i FIFA-s, Gianni Infantino dhe sekretarja e përgjithshme Fatma Samoura u dërguan një letër të gjitha skuadrave pjesëmarrëse, duke u kërkuar atyre që të fokusohen në futboll dhe të mos merren me polemika të ndryshme në lidhje me vendin pritës, të tilla si të drejtat e LGBT, ose shqetësimet për trajtimin e punëtorëve migrantë.

“Ne e dimë që futbolli nuk jeton në botën e tij dhe jemi gjithashtu të vetëdijshëm se ka shumë sfida dhe vështirësi të natyrës politike në të gjithë botën,- shkruhet në letrën që media angleze ‘Sky Sports’ ka mundur të sigurojë. - Por ju lutemi mos lejoni që futbolli të tërhiqet në çdo betejë ideologjike apo politike që ekziston”.

Javën e kaluar, ndërkombëtarët australianë denoncuan “vuajtjet” e pësuar nga punëtorët emigrantë që ndërtuan infrastrukturën dhe kërkuan dekriminalizimin e marrëdhënieve të të njëjtit seks dhe “një zgjidhje konkrete” për ata, të drejtat e të cilëve nuk respektohen.  Nga ana e tyre, danezët kanë njoftuar se do të shkojnë në Botëror pa familjet e tyre për të protestuar kundër historisë së të drejtave të njeriut në vend.

Në letër, Infantino shkruan gjithashtu: “Në FIFA, ne përpiqemi të respektojmë të gjitha opinionet dhe bindjet, pa i dhënë mësime morale pjesës tjetër të botës. Një nga pikat e forta të botës është me të vërtetë diversiteti i saj dhe nëse përfshirja do të thotë diçka, do të thotë të respektosh atë diversitet. Asnjë popull, kulturë apo komb nuk është "më i mirë" se një tjetër. Ky parim është themeli i respektit të ndërsjellë dhe mosdiskriminimit.  Dhe është gjithashtu një nga vlerat themelore të futbollit. Prandaj, ju lutemi, le ta kujtojmë të gjithë këtë dhe lëreni futbollin të jetë në qendër të skenës”.

Presidenti i FIFA-s siguron se të gjithë do të jenë të mirëpritur në Katar "pavarësisht prejardhjes, fesë, gjinisë, orientimit seksual apo kombësisë".

FIFA letër finalistëve të Kupës së Botës, për

B.T (Dosja.al)

Sondazh

Poll

MË SHUMË