Bota

Nis ‘eksodi’ në Twitter, përdoruesit largohen pas marrjes në pronësi nga Musk, zgjedhin 'Mastodon'

Mastodon nuk ka një person apo kompani që e drejton atë, kështu që shihet nga përdoruesit si një alternativë më demokratike e të shprehurit.

2 Nëntor 2022, 08:29 Nga A.B
Nis ‘eksodi’ në Twitter, përdoruesit largohen pas marrjes
Elon Musk

SHBA- Pas marrjes në pronësi të  rrjetit social Twitter nga Elon Musk, përdoruesit e platformës duket se po ikin masivisht drejt një rivali pak të njohur: Mastodon, një platformë e lirë, me burim të hapur që ka veçori të një  mikro blogu të ngjashme me Twitter.

Mastodon nuk ka një person apo kompani që e drejton atë, kështu që shihet nga përdoruesit si një alternativë më demokratike e të shprehurit. Më shumë se 70,000 regjistrime të reja u bënë vetëm të premten, një ditë pasi Musk finalizoi blerjen e Twitter prej 44 miliardë dollarësh.

Nis ‘eksodi’ në Twitter, përdoruesit largohen pas marrjes

I lançuar në mars 2016, në Mastodon  përdoruesit mund të krijojnë profile, të ndjekin profile të tjerë  dhe të postojnë mesazhe, imazhe ose video, por ai nuk gjurmon të dhënat e përdoruesve për t’ua shitur reklamuesve. Që kur u bë pronar, Musk nuk ka humbur kohë duke bërë ndryshime të rëndësishme në Twitter, duke përfshirë shkarkimin e drejtuesve të lartë dhe shpërbërjen e bordit të drejtorëve.

Ai gjithashtu thuhet se do t’i detyrojë përdoruesit e Twitter të paguajnë 20 dollarë për të pasur shenjën blu të konfirmimit në llogarinë e tyre./Burimi: The Guardian

elon musk twitter

Sondazh

Poll

MË SHUMË