Bota

VIDEO/ Kreativiteti i policisë peruane shkatërron grupin e drogës, të veshur si personazhet e Marvel, efektivët arrestojnë 4 trafikantë

Fatmirësisht, ata arritën të kapnin dhe të çmontonin një bandë të dedikuar për tregtimin e drogës dhe grabitjes.

1 Nëntor 2022, 23:05 Nga I.A
 
VIDEO/ Kreativiteti i policisë peruane shkatërron grupin e
Foto nga arrestimi

PERU- Duke përfituar nga koha e Halloween, anëtarët e një divizioni kundër drogës të Policisë Kombëtare të Perusë u veshin si superheronj. Fatmirësisht, ata arritën të kapnin dhe të çmontonin një bandë të dedikuar për tregtimin e drogës dhe grabitjes. Historia pas është mjaft interesante.

Grupi Terna i Skuadrës së Gjelbër të Policisë Kombëtare të Perusë është divizioni kundër drogës i korporatës. Për disa javë ata kishin marrë raporte dhe ankesa anonime nga një bandë kriminale që vepronte në San Juan de Lurigancho, një nga rrethet e provincës së Lima.

Ata kryen hetime dhe punë inteligjente dhe gjetën një shtëpi ku banonte kjo bandë. Bëhet fjalë për një familje, me fëmijë dhe gjithçka, që i kushtohej shitjes së drogës me pakicë dhe vjedhjes. Policët u veshin si superheronj dhe pak pas dy pasdite të së shtunës, mbërritën në qark duke ecur nëpër rrugë si të mos kishte ndodhur asgjë dhe duke përshëndetur të gjithë.

Me të mbërritur në shtëpinë e bandës së njohur si Los Tercos de Mariátegui, ata thyen derën dhe arritën të arrestonin 4 nga drejtuesit më të rëndësishëm. Gjithashtu ata sekuestruan 287 thasë kokainë dhe 197 pako me marijuanë. Sigurisht, polici që theu derën dhe hyri në shtëpi duke përdorur forcën ishte ai i veshur si Kapiten Amerika.

Dhe nuk është hera e parë që policia peruane ka qenë kreative në kapjen e kriminelëve. Në dhjetor 2020, oficerët e policisë u veshën si Santa Claus dhe një kukudh për një bastisje droge. Falë faktorit surprizë të kostumeve, ata arritën të arrestonin Luis Antonio Oquendo, gjoja drejtuesi i një grupi kriminal që shpërndante drogë.

 

luis antonio oquendo

Sondazh

Poll

MË SHUMË