Bota

SONDAZHI- Italianët për Georgia Melonin: Qeveria nuk do ngrihet në këmbë, Draghi ishte më i mirë

Të pyetur nëse qeveria e re është më e mirë se ajo e mëparshme, me kryeministër Mario Draghi, vetëm 36% e italianëve janë përgjigjur “po”

28 Tetor 2022, 07:21 Nga A.B

Georgia Meloni

ITALI- Një sondazh i institutit të sondazheve Ipsos, i realizuar për kanalin televiziv privat La 7, paraqet opinionin e italianëve në lidhje me qeverinë e sapokrijuar të Giorgia Melonit.

Pyetjes nëse kjo qeveri e re është më e mirë se ajo e mëparshme, me kryeministër Mario Draghin , 45% janë përgjigjur me “jo”, 36% “po” dhe 19% e mbetur nuk janë shprehur.

Për sa i përket 11 ministrave (nga gjithsej 24) që kanë marrë pjesë në qeveritë e mëparshme, me Silvio Berlusconin si kryeministër, 56% e të anketuarve e konsiderojnë atë një "kthim të politikës së vjetër", 32% konsiderojini ato “eksperiencë dhe garanci cilësore” dhe pjesa tjetër nuk mban qëndrim të qartë.

Sa i përket kryeministres së re Georgia Meloni dhe nëse ajo "do të veprojë në mënyrën e duhur apo të gabuar për të zgjidhur çështjet kyçe", 41% thanë se nuk do të ngrihet në këmbë, 39% kanë besim se ajo do të bëjë gjënë e duhur dhe 20% ende nuk kanë krijuar një mendim.

Duke iu referuar politikës së jashtme dhe toneve të larta që përdorte në të kaluarën Meloni, duke iu drejtuar Francës dhe Gjermanisë, 64% e kampionit statistikor të sondazhit të Ipso është i mendimit se “tani kryeministri duhet të ulë tonet. , me marrëdhënie të qetë”, 23% mendojnë se ai “do të vazhdojë të ngrejë zërin me aleatët evropianë” dhe 13% nuk janë në gjendje të përgjigjen./Burimi: Iltempo.it

giorgia meloni mario draghi