Aktualitet

U arrestua në Turqi? Ibrahim Lici: Jam i lirë, fotot e mia tregojnë qartë jetën që bëj në shtetin turk

Ibrahim Lici mohon të ketë gisht në vrasjen e Endri Mustafës dhe vëllezërve Bilali.

27 Tetor 2022, 14:55 Nga A.B
U arrestua në Turqi? Ibrahim Lici: Jam i lirë, fotot e mia
Ibrahim Lici

TURQI- Ibrahim Lici ka mohuar lajmet se është arrestuar në Turqi. Përmes një reagimi, ai thotë se për vrasjen e Endri Mustafës ka dorëzuar në prokurori kamerat që tregojnë se nuk ka qënë në vendin e ngjarjes ndërsa për vrasjen e vëllëzërve Bilali thotë se nuk ka qënë asnjëherë në hetim. Po ashtu, Lici shton se nuk mund të kërkohet ekstradimi i tij pasi është i lirë dhe jo i arresruar, ndërsa shton se jeton i lirë në shtetin turk. 

'Jam i lirë. Nuk jam arrestuar. Lidhur me ngjarjen për të cilën akuzohem për vrasjen e Endri Mustafës, kam dorëzuar kamerat në prokurori dhe qelizat telefonike që vertetojne që une kam qenë në Tiranë në momentin që ka ndodhur krimi. Kjo është e vërtetuar me pamje dhe qeliza telefonike. Unë pres vendimin e gjykatës per të zbardhur ngjarjen dhe për të çuar përpara drejtësisë autorët e vërtetë. Edhe për vrasjen e vëllezerve Bilali nuk kam qenë asnjëherë nën hetim nga prokuroria dhe jam shpallur në kërkim nga policia, pra në kërkim policor si person për t’u marre në pyetje vetëm se nuk jam gjetur në banesë.

Nuk kam patur asnjëherë konflikt me vëllezërit Bilali. Shumë e çuditshme të kërkohet ekstradimi im në një kohë që nuk jam arrestuar dhe i bëj thirrje policisë të dalin në deklaratë se ku dhe kur më ka arrestuar sepse unë jam i lirë dhe në pritje të drejtësise. Jetoj i lirë në Turqi dhe pres të zbardhet ngjarja. Fotot e mia tregojnë qartë jetën e lirë qe bëj në shtetin turk.'- tha Lici.

Ibrahim Lici, vijon të qëndrojë i lirë në territorin e shtetit turk, ndërkohë që drejtësia e këtij shteti, kërkoi ndihmë juridike nga pala shqiptare për t’i vënë në dispozicion aktet hetimore të dosjes penale që flet për vrasjen e Endri Mustafës. Ai akuzohet për “Vrasje me paramendim” kryer në bashkëpunim, konkretisht për vrasjen e Endri Mustafës të ndodhur në 15 Maj 2021 në zonën e “Livadhes” në Shkodër. Për këtë ngjarje është dënuar me 12 vite burgim 15-vjeçari Ergys.M, si person që ka nxjerrë në pritë viktimën natën e krimin.

Prokuroria e Shkodrës ka nisur një hetim për shkresën e dërguar nga pala turke që ‘rrodhi’ në media një ditë më parë. Dokumenti që mban firmën e Olsi Dados, Drejtorit të Marëdhënieve me Jashtë në Prokurorinë e Përgjithme, ka ngritur në këmbë prokurorinë e Shkodrës, e cila prej dy ditësh ka nisur një hetim administrativo-penal, me qëllim zbulimin e “spiunit” brenda rradhëve të saj.

ibrahim lici

Sondazh

Poll

MË SHUMË