Politike

Pr.Buxheti 2023/ Opozita:Nuk diskutohet pa paketë fiskale! Gjylameti: Nesër do prezantohet

Nesër do të prezantohet paketa fiskale.

26 Tetor 2022, 10:18 Nga A.B
Pr.Buxheti 2023/ Opozita:Nuk diskutohet pa paketë fiskale! Gjylameti:
Komisioni

TIRANË- Opozita dhe maxhoranca debatuan në Komisionin e Ekonomisë dhe Financave për projektbuxhetin e vitit 2023. Deputetja e Partisë Demokratike, Jorida Tabaku deklaroi se nuk mund të diskutohet për këtë projekt buxhet teksa është ende në diskutim paketa fiskale. Tabaku u shpreh se ka mungesë të dokumentit të paketës i cili nuk është dorëzuar nga ministrja Delina Ibrahimi, e se është antiligjore ajo që po zhvillohet në komision. Zv.kryetarja, Blerina Gjylameti i bëri të ditur se nesër do të prezantohet paketa fiskale.

DISKUTIMI:

Jorida Tabaku: Ministrja nuk ka sjellë paketën fiskale.

Gjylameti: Sot ka vetëm prezantim të buxhetit, nesër prezantohet paketa fiskale.

Tabaku: S'mund të bëjmë këtë mbledhje pa patur pr ligjet financiare, paketën fiskale etj. Ministrja në Konferencën e Kryetarëve tha se do jetë gati këtë javë paketa fiskale, por ajo s’ka ardhur. Ajo i prezantoi në konferencën e kryetarëve efektet financiare, por nuk ka sjell dokumentin e paketës fiskale.

Gjylameti: Vendimarrja me dokument, zbardhet në dokument, Spaho nëse keni procedurë vijoni.

Tabaku: S’keni qenë pjesë e konferencës së kryetarëve, nuk është zbardhur e s’ke ku ta lexosh. Buxheti i shtetit ka efektet financiare të paketës fiskale. Vendimmarrja e konferencës ishte që s’mund të ketë mbledhje komisioni ekonomisë pa paketë. Eshtë anti ligjore. Mos na bëni për budallenj.

Deputetja Jorida Tabaku, tha në një dalje për mediat se ajo që u bë në Komision ishte e paligjshme. Ndërkohë, Tabaku paralajmëroi se nëse mbledhja nuk anulohet, do e dërgojnë buxhetin në Gjykatë Kushtetuese.

Reagim nga pasur dhe nga ana e Partisë Demokratike. Deputetja Sorina Koti, në një dalje për mediat deklaroi se kjo që po bën Qeveri është çoroditje dhe del kundër ligjeve e rregullave. Ajo shtoi se ndërkohë që në Kuvend diskutohet projekt-buxheti, në Këshillin e ministrave diskutohet paketa fiskale. Për Kotin, kjo është një mospërputhje totale e veprimeve, dëshmi e një çoroditjeje qeveritare të klasit të fundit.

jorida tabaku komisioni i ekonomise

Sondazh

Poll

MË SHUMË