Bota

Putin shpall “agjentë të huaj” reperin e njohur, katër gazetarë dhe një shkrimtar

Oxxxymiron, emri i vërtetë i të cilit është Miron Fyodorov, u shtua në një listë të përditësuar të agjentëve të huaj së bashku me katër gazetarë dhe Dmitry Glukhovsky, një shkrimtar i shquar rus.

7 Tetor 2022, 22:39 Nga e.k
Putin shpall “agjentë të huaj” reperin e njohur,
Miron Fyodorov

RUSI- Ministria ruse e drejtësisë ka deklaruar se një nga reperët më të njohur të vendit është “agjent i huaj”, një emërtim ligjor që është përdorur për të ndjekur kritikët dhe gazetarët kundër Kremlinit.

Oxxxymiron, emri i vërtetë i të cilit është Miron Fyodorov, u shtua në një listë të përditësuar të agjentëve të huaj së bashku me katër gazetarë dhe Dmitry Glukhovsky, një shkrimtar i shquar rus.

Ai anuloi një turne të planifikuar rus në shenjë proteste ndaj pushtimit të Ukrainës dhe më pas u largua nga Rusia dhe dha një seri koncertesh në Turqi, Britani dhe Gjermani, të titulluar “Rusët kundër luftës”. Në fund të gushtit, autoritetet thanë se po hetonin punën e tij sipas ligjeve të vendit kundër ekstremizmit. Sipas ligjit rus, materiali i quajtur “ekstremist” është efektivisht i ndaluar, shkruan Al Jazeera.

Oxxxymiron, tekstet e të cilit janë shumë politike dhe që mori pjesë në mitingje në mbështetje të kritikut të burgosur të Kremlinit, Alexey Navalny, ishte një nga reperët e shquar të Rusisë para luftës, duke gëzuar popullaritet të madh në një vend ku hip-hop është një zhanër popullor. 

rusi miron fyodorov

Sondazh

Poll

MË SHUMË