Bota

Greva e arsimit në Kosovë, pezullohet deri në janar të 2023-së: Qeveria të mbajë fjalën

Kryetari i Këshillit grevist, Rrahman Jasharaj tha se uron që Qeveria dhe institucionet tjera ta mbajnë fjalën për Ligjin e pagave.

1 Tetor 2022, 14:25 Nga I.A
Greva e arsimit në Kosovë, pezullohet deri në janar të
Rrahman Jasharaj

KOSOVË- Pas pesë javë grevë në arsim, Sindikata e Bashkuar e Arsimit, Shkencës dhe Teknologjisë (SBASHK) sot ka njoftuar se e ka pezulluar grevën deri në janar të vitit 2023. Telegrafi shkruan se Atdhe Hykolli nga Bashkimi i Sindikatës së Pavarur të Kosovës ka thënë se greva ka qenë e ligjshme dhe e nevojshme.

“Greva ka qenë e ligjshme e nevojshme, tash ka hyrë në javën e pestë…. greva nuk ishte dhe nuk do të jetë akt personal i askujt, por mjet i organizimit sindikal. Greva është përcaktuar në Kushtetutën e Kosovës dhe mbrohet…”, ka thënë Hykolli.

Ndërsa kryetari i Këshillit grevist, Rrahman Jasharaj tha se uron që Qeveria dhe institucionet tjera ta mbajnë fjalën për Ligjin e pagave, raporton Telegrafi, ndërkaq njoftoi se greva pezullohet deri në janar të vitit 2023.

“Me kënaqësi e respekt po i drejtohem grevistëve dhe kolegëve kudo ku janë. Duke respektuar zërin e anëtarësisë greva filloi më 25 gusht. Ata që na fyen e na linçuan ua lë në fytyrën e tyre. Këshillat grevistë kanë bërë punë të shkëlqyer, prandaj si Këshill grevist i BSPK-së dhe SBASHK-ut jemi të obliguar të punojmë sipas shumicës. Nga qeveria kërkojmë që të takohemi në dialog të sinqertë. Uroj që Qeveria ta mbaj fjalën për Ligjin e Pagave. Uroj që të punohet bashkërisht Ligji për Sigurime Shëndetësore. Qeveria dhe opinioni le ta dinë se greva nuk po mbyllet por pezullohet deri në janarin e vitit 2023. Rezultati ishte goxha i ngushtë për pro dhe kundër”, tha Jasharaj.

Ai tha se greva pezullohet deri në janarin e vitit 2023 dhe kjo do të ndikojë në reflektimin e Qeverisë.

rrahman jasharaj sbashk greva ne kosove

Sondazh

Poll

MË SHUMË